الفرشة – Lfercha واجبنا ضد الفساد
سي العامل زين العابدين الزهر، والقائد أحمد صميم، سولناكم الاسبوع الماضي بكل براءة و الله شاهد، علاش ما جاوبتوش على الشكايات لي تقدمو بها ذوي الحقوق في الأراضي السلالية فشهر 10 كيطالبو بطرد المترامي حسن ألغازي وكريم ألغازي (الصورة) من أرضهم ؟ رغم أن شكاياتهم كانت معززة بشواهد ملكية منذ 1921.
لكن ما كناش فاهمين علاش ما استمعتوش ليهم و درتو لي فراسكم و تجاهلتو الشكايات و الحجج لي تقدمت ليكم فشهر 10، و درتو هبل تربح رغم التذكيرات لي ارسلو ليكم الضحايا و رغم البند الواضح فالعقد لي كينص على أن الارض خاصها تكون خالية من النزاعات (انظر التعليق)، وقعتو معاه عقد ايجار فشهر 12 (انظر التعليق) و كتبتو انه خالي من النزاع علما انكم تعلمون ان هناك شكاية وضعت في الموضوع !!!
الشكاية وصلتكم شهر 10 و مع ذلك وقعتو عقد إيجار مع المتهم بالترامي شهر 12 !!!!
المصيبة الاخطر، هي ان هاذ النص*اب لي ترامى على أرض الناس و درتو يدكم فيدو و غادي ان شاء الله تهبطو معاه عما قريب، بعد ما وقعتو معاه العقد الغير قانوني، ضسرتوه و ولا هو لي متابع الضحايا فالمحاكم و كيتهمهم بالترامي، و السؤال : علاش شكاية الظالم كتفعل و شكاية المظلوم كتقبر و نتوما فعلمكم الفيلم كامل ؟!
كمت نقول واقيلا حيث معرݣينها ݣرمومة من عند مول الكريان حسن ألغازي و ولدو كريم أولغازي (الصورة) باش تفوتو لهم أرض بمساحة 30 هكتار، و لكن ملي بحثنا و عرفنا انك اسي العامل نتا عارف راسك متورط في هاذ الفضيحة، و خايف من الفضيحة و نتا لي كتورك على المحكمة و متبع القضية باش تحكم لصالح الظالم و تفلت بجلدك…
اه بغيت غير نعلمك، راك غاتسبب فشي كارثة عمرها ما وقعت عندك فالاقليم، الضحايا راهم عوالين بموتو على بلادهم…
يتبع…
سير على بركة الله…
