مافيا نهب الرمالي بالصويرة، اوديييي لهلا يخطيكم فرشة و صافي،

قبل يومين نشرنا خبر حملة الدرك الملكي المشبوهة ضد بعض اصحاب المقالع الصغار، و لي تم فيها حجز صوندا ديال البرلماني الفيدي خو رئيس جماعة سيدي إسحاق، و نشرنا كذاك البارح خبر اخراجها من الحجز برخصة مزورة !

الجميل هو انه مباشرة بعدما نشرنا الخبر، هاوتاني مشاو جابوها و رجعو حجزوها ليه اليوم !

و في تطور جديد و خطير اخر، حصلة خايبة حصل الرايس اليوم، الساكنة ديال دوار بير قاسم وقفات للرئيس محمد الفايدي ما خلاتوش يشارجي يخدم، حينت كتسالو 40 مليون، ما يعادل 20 يوم ماخلصهومش حتى وصلت مستحقاتهم ل 40 مليون غير ديال الساكنة، و دابا ملي نشرنا الموضوع عاد ولا نيت في موقف بااااايخ أوييييي ما عندو كي يدير ليها، مادام الساكنة كتسال 40 مليون و تعرفت، خاصو يخلص اضعاف هاذ المبلغ للجماعة و للضريبة…و غادي نشوفو واش غايخلص او السي العامل و السي الوزير و سي رئيس الجهة كاين فالذمة !

نشرح ليكم باش تفهمو، الفاياج كيسوى 2500، خاص يحيد منها 100 درهم ديال الجماعة، و 300 درهم ديال الساكنة، و 425 درهم ديال الضريبة، المجموع تقريبا 800 درهم، يعني كتشيط ليه هو 1700 درهم! لكن هوما لا اش كيديرو ؟ كيحيدو غير 300 درهم ديال الساكنة حيث كيكونو حاطين واحد تابع ليهم كيحسب الشاحنات لي خرجت ما عندو كيدير يهرف عليهم، اما فلوس الشعب ما كاينش لي خاصهم يحضيو، لي حاضيين تاهوما واكلين حقهم…و في اخر المطاف يالله كيخلص 300 درهم على 2500 درهم و كيهرف على حق الجماعة و حق الضريبة…

اللهم إن هذا منكر….

سير على بركة الله…