الفرشة – Lfercha واجبنا ضد الفساد
واش الملياردير الحسين تكانت ما محكومش بخمس سنوات نافذة حكم نهائي، لي تحكم معاه دوز العقوبة السجنية ديالو و الملياردير مخبي غير فالضيعة ديالو منذ سنوات ؟ وا اعطيناهم فين كينعس و فين كيشرب و فين كياكل و والو ! الوكيل العام سي فتاح و نايبو سي بلعسري قاليك ا سيدي ما لقيناهش.
واش اسماعيل الشوري و باه لحسن و المحامي طه عبد المنعم ما ناصبينش على كمال المهداوي و الرايس بازين في باركو ؟ و أعطينا بدل الحجة عشرة ؟!
واش عزيز عوباد الكاتب العام ديال غرفة الصيد باكادير و حسن ايدبيشو و رحال النفاث ماشي نص*ابة و ش*فارة و بارونات من المستوى الدولي و اعطينا بدل الحجة عشرة ؟
واش الملياردير الحسين بيشا ما شراش أرض من املاك (تعاونية scam) لا يحق لا تباع لا تفوت بمليار و بعد عام باعها بجوج مليار ؟! واش نايب رئيس التعاونية ما شراش فيلا تاهي من أملاك التعاونية بجدريال وسط اكادير و هي ساوية مليار ؟ واش التعاونية لي كيتراسها الشارف بوهدهود ما فصلوهاش و نهبوها و كانت فيها فايض ملايير دابا ولات مدينة ؟! و عندنا بدل الحجة عشرة….
واش عاشق المدير السابق ديال sni الملكية ما نصبش على الملك و باع لراسو و لاصحابو منهم نسيب اخنوش لي ولات عندو 17 باركو بعد توزير نسيبو في الوقت لي كانو عندو غير جوج من قبل و حسن ايدبيشو و عزيز عوباد ولد الكسال لي ولا صاحب باركوات و زيد و زيد…. باركوات كيسواو الملاير بجدريال و ولاو من أثرياء شمال إفريقيا؟!
واش ما اعطيناش البرهان و الحجج الدامغة على علاقة جسم القضاء الفاسد في اكادير مع كل هاذ النصابة اخرهم نايب الوكيل العام العسري لي مخدم بنتو فشركة ايدبيشو ؟
واش ايدبيشو و البعقيلي ما ناصبينش و مزورين محررات رسمية و حولو القضية لعندهم لاكادير ضدا على كل الاعراف و القوانين الكونية ؟! في الوقت لي المشتكي من سيدي رحال!!!
واش ما اعطيناش الحجج على الخشونة لي كيديرو فميزان المرسى ديال ثروة المغاربة السمكية لي كتنهب على عينيك ابن عدي ؟!
وا جاوبونا الله يرحم الوالدين را راسي وقف ! الا كذبنا عليهم يخرجو ينفيو هاذو كلهم، الراجل فيهم يخرج ينفي حرف واحد !
البلاد مثقوبة الخوت و باغينها ماليها تبقى مثقوبة….
سير على بركة الله….
