الفرشة – Lfercha واجبنا ضد الفساد
ياما دافعنا عليك و تضامنا معاك و تكلمتي باسمنا، و لكن القضية عندك حامضة اصديقي و ما يدوم غير المعقول، من البارح وانا كنحاول نتاصل بيك اسمع منك من باب المبدء و الانصاف و الاستماع للطرفين، و لا جواب، أنصحك ما تأخرش عليا، لان واحد الاخ صاحب حجج دامغة جانا كيتهمك بتكوين عص.ابة اجرا.مية للنصب و الاحتيال، و حسب ما وصلني من حجج خبطتيه فمليينات صحاح ذنبو الوحيد انه ثاق فيك و وقف معاك راجل بعد خروجك من السجن لانه كان يؤمن بنضالك و نزاهتك، و تحدانا قاليك اسيدي محاااال تفرش واحد كنتي كتدافع عليه و كتضامن معاه ! قلت ليه بين ليا الحجج و تفرج، دارها ليا على قد فمي و بقيت غير حال فمي مصدوم…
يالله بالي عيش خويا، ذاكشي لي عند هاذ السيد خطير، عندك اخويا تالمساء بإذن الله، و به وجب الإعلام، و لا حول و لا قوة إلا بالله…
كنواعدك جوابك غانشرو كما هو باذن الله، كتابي، اوديو، فيديو، لايف، المهم حقك فالرد تدافع فيه على راسك مكفول كيف حبيتي !
سير على بركة الله…
