الفرشة – Lfercha واجبنا ضد الفساد
السيد العميد عبد الله حيار، لي حاليا غير كيدور بدون رتبة كيتسنى قرار تحقيقات مديرية الامن فقضية السيارة لي جابها ليه خوه الكبير لي فالداخلة من موريتانيا، و اعطاها لمرتو تسوقها و رفض يردها لخوه بعد عشر سنوات بحكم قانون الديوانة، و باعها لولد محامي هو لي فضحو، و ملي بداو التحقيقات نكر رغم ان العساس شهد انه كان هو و مرتو كيسوقو السيارة، ذاكشي لاش باقي يطلع و يهبط و ما ردش الرتبة ديالو، واش غايخرج براءة و يردو ليه رتبتو و لا غايخرجوه تقاعد، الله اعلم wait & see…
المهم ما غانسولوه لا كي دار للدار لي كتب للمرا الاولى فالرباط كنسوى 200 مليون، و لا على دار سيدي بوزيد لي يالله باع، و لا كيدار الدار فالمحمدية تجاور مع سي الحموشي تاهيا ساوية 150 مليون، و لا برطمة فكازا لي في اسم مو، و لكن غانسولك غير على واحد اللعيبة بالتحديد، الشركة لي داير فاسم مك Planet RH (انظر التعليق) ، لي كتقول بفمك انها كتدخل لك الملاير و منعم عليك الله و ما محتاجش، بالامارة التوارك w لي خرجتي ما حطيتي فيها تا درهم خرجتيها على حساب ذات الشركة، و السفريات و عيشة الملوك و كذا…انا كيبان ليا سؤال من اين لك هذا منطقي فهاذ الحالة لا ؟!اه، قبل ما نختم، علاش الست الوالدة هربانة للبحرين سعادة الامني المنزوع الرتبة ؟! و كيفاش قصة ذوك العمليات المالية الضخمة لي فحساب مك ؟ اواه السيدة في عقدها الثامن و عندها اعاقة الله يشافيها و حسابها كيدخل ليه الملاير ؟! شوف هاذ محضر المعاينة لي فالتعليق دبال مك، كيفاش زعما الاسم دارو ليها موووووووزكي بالواو واش ما شافوش لاكارط لي فيها غير مزكي بلا واو (انظر تا لا كارط ديال مو فالتعليق). علاش درتو هاذ الحركة ؟ واخا شنو قصة استفادات اصحاب البرارك لي عاطي سيدنا للدراوش و تصرفتو عليهم نتا و شي مسؤولين في السلطة و الامن ؟ يتبع…سير على بركة الله…
