الفرشة – Lfercha واجبنا ضد الفساد
هادو جوج شباب مهدي و رضوان من أشد المعارضين ليه في أزمور، من نهار السلطة جابت ولد السملالي وحطاتو رئيس بزز على الساكنة (كيما كيعرفو متابعينا القدام فالصفحة المليونية ملي فصلنا ففساد مجلس ازمور الفريد و المفضوح)، وهوما خارجين ضدو، حيت هو سباب جميع المشاكيل والخروقات لي كتعيشها المدينة، هو و الأب ديالو عبد اللطيف السملالي لي كان وزير الشباب والرياضة لأكثر من 30 سنة، شدو رئاسة المدينة حلبوها ومصوها وعمروها بالخروقات أمام أعين سلطة الرقابة ومجلس الحسابات والمفتشية العامة لوزارة الداخلية.
وحيت ساكنة المدينة عاقت و ولات تابعة كل الأصوات لي ضد رئيس المجلس البلدي، سيفط لهاد المعارضين واحد الجمعية فيها البلط*جية ديالو، الرئيس ديال هاد الجمعية محكوم بسوابق في التزوير وخيانة الأمانة (شكون عطاه الترخيص يدير جمعية ؟ غادي نجيو ليها )، وأعضاء معاه مرشحين سابقين من نفس ح*زب الرئيس، وأعضاء آخرين مخدمهم ولد السملالي في شركة النظافة كزا تيكنيك كموظفين أشباح (واش كزا تيكنيك ولات كدير السياسة ؟ غادي نجيو ليها حتى هي باذن الله).
هاد الجمعية المشبوهة مشات حطات شكاية كيدية بهاد جوج المعارضين للسملالي، وقالو بأنهم نظموا عمل خيري تطوعي لفائدة ضحايا الزلزال بدون ترخيص واتهموهم في الشرعية ديالهم باش يحبسو الشعبية الكبيرة لي ولات عندهم في المدينة، ضاسرين بولد السملالي لي كيقول ليهم : “القضاء ولابيجي والعامل ديال الجديدة كلهم في يدي و واقفين معايا باش نغبروا ليهم الشقف.”
الخطير هو كاينين حجج وتسجيلات صوتية عندنا كيبينو بأن هاد الشكاية “هي كيدية ومفتعلة وداخلين فيها وحدين باينين و وحدين آخرين مخبين .. !!
و الأخطر هو البلطجية يوميا كيدخلو لابيجي ديال الجديدة بتح**ريض من ولد السملالي باش يضغطو على البوليس لي دارو التقارير ديالهم وما لقاو والو، وكيضغطو على النيابة العامة بإسم الجمعية باش تتحرك في دعوى محفوظة شكلاً ومضموناً.
حنا فالفرشة قررنا نعرفوكم على هاد البلط*جية ديال ولد السملالي لي دايرين جمعية كيب*تزوا بيها الناس وكيحاربو بيها أي واحد ضد ولي نعمتهم، تجدون صورهم فالتعليق :
– ابراهيم كياس : رئيس الجمعية محكوم ب2 عقوبات سجنية الاولى ديال التزوير والثانية خيانة الأمانة.
– عبد العالي الكيحل : مرشح سابق مع ولد السملالي، مخدمو سملالي موظف شبح في شركة النظافة بأزمور كزا تيكنيك كيتخلص للشهر على ظهر الساكنة وجالس وخدمتو الحقيقية هي محاربة الأصوات المعارضة.
– هشام البوزيدي : دوز الحبس حيت ضرب الرئيس السابق ديال أزمور بدر نور البيت لي كان طيح ولد السملالي في الانتخابات لي قبل هادي، هاد هشام بزناز والمنزل ديالو وكر للدعارة في جنان أزمور أمام أعين البوليس.
تخيلو معانا هادو ولاو حاكمين في لابيجي وفي القضاء وكيحركو شكاوي كيدية بدعم من رئيس بلدية فاسد ضد أي مواطن خرج قال ليهم الش*فار الحقيقي ولد السملالي : هذا شف*ااااااااار ..
هادو لي ملفاتهم خانزة وعارفها لكبير والصغير وجميع أجهزة الدولة ومخلينهم كيلعبو بالأمن والقضاء كيف بغاو ؟ شكون عاطيهم الضو لخضر ؟ شكون حاميهم ؟ شكون موراهم ؟
كيفما بغا يكون الجواب، كنقولو ليهم يا تجمعوهم يا غا نفرتكو رمانتكم ورمانتهم كاملين ..بداية من ذيك لابيجي المشبوهة و نتا جاي…
يتبع ..
سير على بركة الله….
ابراهيم كياس رئيس الجمعية
زكرياء السملالي رئيس المجلس البلدي
هشام البوزيدي
الشكاية الكيدية لي دارو ضد شابين من انظف شباب المدينة
عبد العالي الكيحل
