الفرشة – Lfercha واجبنا ضد الفساد
فضيحة سي الوزير و الطبيب السوري الادلبي بني ملال باختصار مع الدليل…
شنو قصة سنوات من سرقة البنج ومعدات طبية من المستشفيات العمومية ومنها مستشفى فاس الجامعي ؟
بعد ما حصل واحد الشخص فمدينة مكناس تيرمي بقايا علب البنج المسروق بالصدفة، وقفو عليه البوليس و تم القبض عليه واعترف انه من سنوات وهو كيوزع البنج هو وأشخاص اخريين من المستشفيات العمومية، وجبد مصحات وجبد سي الوزير واساتدة كباااار ..
المهم فالأول تم استدعاء أصحاب المصحات و بعض الموظفين،
منهم الطبيب نجم الفرشة ابو سارة و صديق رئيس فرقتنا الوطنية المحترمة الادلبي فرعون بني ملال، ولكن هو كيف العادة، تدخلوا ليه خدام الدولة و خرج من بعد ماخلص غير نصف الكفالة عشرة ملايين سنتيم، كان اتصل تحديدا بالعلوي البلغيتي الوكيل العام السابق للدار البيضاء، واتصل هو بالوكيل العام بفاس وصاه على الادلبي ..ّ.
القصة طويلة والسرقة حتى هيا ، المهم مع كوفيد دوزوها على الشعب مستورة ز ضمسو القضية …
ندخلو فالحجج، المحكوم عليه الرئيسي المسمى فرشكيتو كان سحب شيكين من واحد البنك قرب مصحة الادلبي، واخا هو كام داير بحسابو لانه كان دائما تيخلص البنج و المعدات المسروقة نقدا، ولكن هاذ المرة حسبها ناقصة لانه سحب الشيكين مباشرة من البنك، و احنى قدرنا بعون الله نوصلو لنسخة من الشيكين لي فاسم فرشكيتو لي مزال فالسجن ….. (انظر الشيكين الحصريين المسحوبين عمدا من ملف القضية في التعليق).
الدليل التاني هو من بعد استدعاء الفرقة الوطنية للادلبي (انظر الاستدعاء فالتعليق)..حول جميع الأملاك لأولادو فيوم واحد، تخيلو اخواني الفرشاويين بقع أرضية ومنازل و شركات فيوم واحد ،صدفة ! انظر حجة تحويل الاملاك في التعليق…
اما بالنسبة لفرشكيتو، جمعو ليه أصحاب المصحات شي بركة وبدل الأقوال من بعد العديد من الجلسات، وكل مرة اختو كت*هدد أصحاب المصحات باش ازيدو الفلوس او يجبدهم، ما كاين غير عشرة مليون للراس…
السؤال الاهم، علاش سحبتو هاذ الشيكات لي كيورطو الطبيب السوري الادلبي بالعلالي، من ملف القضية ؟ و لي كان ممكن يجبد معاه العجب اذا تم اخضاعه لتحقيق نزيه.
ثم علاش مدير المستشفى انذاك لي هو الوزير الحالي ايت الطالب رغم مسؤوليته كمدير مستشفى و خطورة الجرم، ما جبتوهش تحققو معاه ؟! (انظر بعض المقالات الصحفية لها علاقة بالموضوع و السؤال تطرح حتى فالبرلمان).
يتبع…
سير على بركة الله…
الشيكات المسحوبة من ملف القضية
تحويل الاملاك للأولاد بعد استدعاء الفرقةالوطنية، ابراهيم و سارة نجمة الفرشة مولا اختصاص néphrologie
الاستدعاء
مقالات لها علاقة بالموضوع المطموس
كاين شي شوهة أكثر من هاذي الطبيب خلص المجرم بشيك باسمو و سحبو الشيك من الملف و ضمسو القضية، وصلنا لمستوى خطير ملي يوليو الحجج الدامغة بحال هاذي تسحب عمدا من القضية رغم خروجها للصحافة !!!
