في أقل من 24 ساعة، سعد الماجدي (يمين الصورة) ولد المستشار الروشيرشي بجماعة #الطرمونية خميس متوح الملقب بالنير، لي هجم قبل اسابيع على سيدة باولادها بسيف و كلبة و خرجو باه المبحوث عنه من لا بريغاد في اقل من 24 ساعة بأمر جلالة ولي نعمتو الطرمونية، قلت غير بين البارح و اليوم خلف اربع ضحايا جدد، جوج البارح واحد فيهم باقي فالانعاش حياتو باقا في خطر لحد الان نسأل الله له العافية، و جوج جداد هاذ الصباح واحد اسمو محمد ولد مبارك من دوار العرارسة كان غادي في سروية مع الربعة د صباح يبيع الباكور تاهوا شدو قطع ليه جوج عصبات بحال ضحية البارح، داوه لمستشفى الجديدة ما قبلوهش ليهم، و زادو بيه لكازا، والضحية الثانية اسمو نور الدين ولد شكري باه كان شيخ الله يرحمو سمعتو كانت طيبة بزاف من معارضي الطرمونية، نهار دخل ولد العبار للبلاد وترشح، هاذ الشيخ الحاج شكري الله يرحمو مابغاش يشاركو فالجرا_ئم لي كيدير، دار ليه فخ وطيرو من المشيخة، و بلاصتو هيا لي دخل ليها المعناوي محمد ولد الحاج مصدق لي كان مستشار معاه في جماعة خميس متوح، هو لي قلت ليكم كان يجمع للطرمونية شهود الزور ضد منافسي الطرمونية لي كينجحو باش يطيحهم، و حط بلاصتو ولدو الاخر مستشار معاه بوشعيب المعناوي..
الطرمونية هو لي موفر الحماية لهاذ البلط_جية بدليل هاذ الضحايا كلهم شدهم ولد النير جنب الفيرمة ديال الرمان ديال الطرمونية لي في طريق الحد، فيها واحد الهري مهجور ساكن فيه هاذ المج_رم البرهوش ولد النير، و غير بعيد كاينة وسط الفيرمة أضخم فيلا ديال الزيتوني لاجودان المتقاعد خو الطرمونية، هاذ الفيلا هي فين كايقصر فيها السبت والحد هو و محمد الناجي مستشار الاستقلال في سيدي بنور.
سير غا سير على بركة الله، الله يدير شي تاويل ديال الخير لهاذ البلاد…
Voir la traduction
![Peut être une image de 3 personnes et barbe](https://scontent.frba2-1.fna.fbcdn.net/v/t39.30808-6/452140214_122164598624203608_4389649874465183926_n.jpg?stp=dst-jpg_p526x296&_nc_cat=102&ccb=1-7&_nc_sid=833d8c&_nc_eui2=AeEJu_fOqFTb6eNSSFqJtwmYbo9iArsjXPtuj2ICuyNc-_234MTrTqphZ5uirgJRehxXiQn1W8V-ps8XnizTOkIv&_nc_ohc=CHykOQEfZi0Q7kNvgGtfdoo&_nc_ht=scontent.frba2-1.fna&oh=00_AYC7w4PbAq-8qmoZOWsxQ1CSwBO0AF98IOlsNuBxTuGl3g&oe=66A0C060)