الفرشة – Lfercha واجبنا ضد الفساد
جماعة فيها مستوصف واحد كتجي ليه الحاملة كيعطيوها ورقة مكتوبة “إلى الجديدة”.
جماعة بشقها القروي و البدوي لا طرق لا مسالك…
جماعة سنة 2023 باقا كتخبط يوصلو العوينات للدواور.
جماعة في كل يوم جمعة مازال كيقوليهم إمام الجامع فصلاة الجمعة رانهار السبت را السلطات غاتقطع الضو من الصباح تالخمسة دالعشية…
جماعة حتى الدعم المخصص للتعليم يتم التلاعب فيه و مازال نرجعو ليه ان شاء الله على مستوى الجمعيات و الكتب المدرسية لي كيستافدو منها حصريا اصحاب المصالح السياسية…و ولاد الفقراء ما كيوصلهم والو من دعم الجماعة…
نقص فالصحة، فالتعليم فالضو، فالما، فالبنية التحتية و شوف ليا المهرجان لي منظم رئيسها عثمان الطرمونية و شوفو على من عارض ؟!
غايقولو هاذ الأموال ماشي ديال الجماعة ديال الاعيان ؟! واخا، و فيناهيا أموال الجماعة اذن خصوصا ان الفائض الحقيقي المعلن لي بقى فيها العام لي فات كيقتل بالضحك و الفقسة، ما فاتتش ثلاثة المليون، في الوقت لي جماعات أصغر منها بكثير كتخلي فائض اكبر منها بكثير، و فالوقت لي كان تخلي فائض الملاير في عهد الرئيس السابق، او فينهيا اذن هاذ المشاريع لي تدارت بهاذ الفلوس ؟ و فين هي أموال احد اكبر الأسواق في المغرب سوق حد اولاد فرج ؟ سوق معروف وطنيا و ملي تشوفو فالواقع يضرك راسك…و اذا كانت لا تكفي هاذ الأموال ماشي أولى هاذ أموال الاعيان باش تجيبو هاذ الوجوه التي نساوي الملايين المملينة علاش ما تضرب هاذ الاعيان النفس على الساكنة و تمشي في مشاريع تنموية في صالح ساكتة الجماعة ؟!
يتبع..
سير على بركة الله…
مستوصف الجماعة
