هاذشي كتعرفوه المغاربة ؟ مصيبة لا ما فراسكمش…

واش فراسكم اخوتي الفرشاويين علاش السردين غالي فالبلاد ؟!

حيث الكينغ السنتيسي و من معه من كبار القوم، كبار نيت و الكبير هو الله، كيصيدو بباركوات غران بيلاجيك فوق 250 طن في اليوم، و تقدر توصل ل 600 و 700 فالنهار ( للمعلومة فقط، حمولة باركو الصيد الساحلي لا تتعدى 75 طن)، هاذو كيكشطو البحر بالشطابة و كيديكلاريو فالميزان لي بغاو، و كيصيفطوها لوزين ديال الكوانو (فارينة و زيت الحوت) بالعيون مباشرة فحالة السنتيسي، لي كيخدمها و كيطحنها و كيردها غبرة و زيت هو بنفسو فسلسلة معامل ديالو و شاحنات ديالو (لي كثير منها مزور يالمناسبة كيما فرشنا بالحجج) ، باش تصدر للخارج بملايين الدولارات، عملية تصدير وحدة فالنهار تقدر تخلي الملاير، انظر فالتعليق وثيقة ديال نهار واحد صدر فيه السنتيسي بعض الكونطونيرات…اكثر من ثلاث ملايير قيمة فاتورة ديال نهار واحد ديال عملية وحدة…

و باش تفهمو علاش هاذ الامبراطورات كيخليو الحوت و يخدمو الكوانو، خاصكوم تعرفو بلي هاد السردين كيطيح ليه بأقل من درهم للكيلو، و ترانسبور لي كيهزو تاهوا ديالو ط، كولشي بيليكي …

الكينغ الا باعو هنا في الاسواق المغربية ماغاديش يربح بزاف مقارانة الا قادو و صدرو للخارج، علما ان الملك تيوصي و يعاود على تشجيع التسويق المحلي للسمك، و على هاذ الأساس الوزارة ديال خنينيش خسرت 40 مليار شراتها خاوي للبحارة و اصحاب الباركوات بامر من الملك باش يشجعو زعما تسويق الحوت محليا، و راهم باقين محطوطين ما كاينش لي خدام بيهم و 40 مليار ضربها تران، علاش حيث فوق انها معيوبة و كتخنز الحوت، كلشي ولا باغي الفلوس ساهلة ديال الكوانو على ظهر كاميلة الشعب…

علما ان لوزين ديال الكوانو يقدر يمشي ليه غير ديشي ماشي السردين مزيان و حي و اكثر من ذلك محتاجو الشعب المغربي !

ثمن بيع الزيت للتر الواحد يراوح 12 دولار اي 110 دراهم، و الكوانو داير 35 درهم للكيلو، و كل كنتي كيهز 28 طن، مطلوبين بكثرة بالخارج…العملية مربحة خاصة أنه كيدوز من الستيرنات ديال الباركو للشاحنات للمعمل مباشرة، ما كيخسرش عليه ذاكشي لي غايخسر على الحوت فالتنقية و التعليب…يعني ما غايربحش فيه كيما غايربح فالكوانو…و لو على حساب الأمن الغذائي ديال اولاد بلادو، بحالا الا باع الحوت للمغاربة غادي يموت بالجوع هو مسكين و ما غايربحش بزاااااف…

تصور غير هاذ الكينغ مثلا، عندو اكثر من 6 غران بيلاجيك يعني اكثر من 1500 طن لي يقدر يصيد كل نهار، هاذ الكوطة لي كيخرج هاذ خونا فنهار يقدر ما يوصلهاش باركو صيد ساحلي فموسم على قدو، و زيد عليه بلحسن و الزبدي (واجهة الجنرال بناني) و بيشا و اللائحة راكم عارفينها بعدما نشرناها حصريا على صفحتكم….هاذو الكبار لي لاعبين بوحدهم…

ها علاش السردين غالي الخوت، حيث خواو البحور ديال البلاد

و ما بقا والو اخويو البحر ديال الداخلة من أجل عيون الكوانو …لدرجة ان إمبراطور بحال السنتيسي ما كيكفيهش آلاف الاطنان لي كيخرجو الباركوات العملاقة ديالو، ما زال كيمشي يطمع فاصحاب الباركوات ديال الصيد الساحلي يشري من عندهم الحوت لي كان موجه للمغاربة و يدوزو للوزينات ديالو ديال الكوانو.

علاش السنتيسي عطيينو الرخصة ديال 6 بيلاجيك هو بوحدو ؟ علاش الجنرال بناني مستافد تاهوا من نفس العدد هو شريكو الزبدي ؟! علاش ما تديروش كوطة حوت و كوطة كوانو حتى تضمنو حق المغاربة فحوتهم ؟! علاش ما خدمتوش ميزان التيو و رفضو اخنوش ؟!علاش هاذ الكينغات ما عليهم أحكام و خارجة ليهم كوطة خيالية بدون أي وسيلة للتحقق من الكميات المنهوبة ؟!

يتبع…

سير على بركة الله….