الفرشة – Lfercha واجبنا ضد الفساد
الان من مملكة السمارة…
هذا لي فالصورة هو سيدي محمد ايت الجديدة، أخ المناضل المعروف ابن مخيم الكويز ليمام ايت الجديدة، هاذو هوما لي صيفطهم كارط_ل السمارة للحبس حيث طالبوا بحقهم فالتموين المسروق، و حارمين الأسرة كلها من التموين منذ شهور الى يومنا هذا انتقاما منهم، دخلات لو قطعة صغيرة د الزاج فيدو و مشى البارح للمستشفى الإقليمي بالسمارة، قالو ليه خاصك تمشي للعيون تدير عملية ( هاد المستشفى كتسميه ساكنة السمارة بالمحطة لي جا ليه كيصفطوه للعيون و لا مراكش ) …
اليوم في الصباح مشى ليمام عند الباشا باش يدير للأخ ديالو حل و قالو غادي نسق مع المستشفى العسكري، لكن خلف الوعد ديالو، الشيء لي خلى ليمام و الأخ ديالو المصاب و رفاقهم يمشو يعتصمو قدام المستشفى العسكري بالسمارة لي رفض يتكفل بيه رغم حالته الصحية الجد مستعجلة…
القائد ديال مخيم الكويز نجم الفرشة هشام السليماني علم القوات العمومية باش تجي تدخل ووتفض الاعتصام، و ها الصطافيط الأولى ديال المخازنية جات لعين المكان كما ترون فالتعليق…
يتبع…
سير على بركة الله…
