الفرشة – Lfercha واجبنا ضد الفساد
مافيات الصيد البحري بالصحراء، و الله ما عرفت باش نبدى، حقائق يشيب لها الولدان !
نبداو من اللخر، عاد نفصلو فسلسلة منشورات غادي تصدمكم…
التحدي الأول ساهل : ياك اسيدي الوزارة الوصية مخرجة واحد الكوطة ديال الطوناج المخصص للتصدير؟! مزيااااان.
كنتحدى مسؤولي الزريبة يعطيونا شحال من طن مقيد عند المكتب الوطني للصيد البحري مثلا سنة 2018 او 2019 او 2020، و شحال من طن مقيد عند الديوانة، و قارنوها مع مداخيل مكتب الصرف ! واش ذاكشي لي صدرنا هو لي تخلصنا فيه ؟!
و النتيجة معروفة مسبقا، الا صدرنا 5000 طن مثلا فالموسم، خاص الدولة تخلص فنفس الكمية ! ياك ؟! والا الخوت الدولة كتخلص غير فالكوطة لي مديكلاريا الوزارة في الأصل، اما الثلثين او اكثر لي كيتشرى فالنوار و كتخرج ليه الإدارة المغربية أوراق مدرحة و كيستافدو منو اباطرة غادي نذكروهم بالحجة و الدليل، ما كيبانوش و كيمشيو مباشرة لحسابات خاصة.
و هاذشي هو لي غاتكلف بيه الفرشة في القادم من الايام باذن الله، باش تعرفو الملاييير الممليرة فالنوار شكون كيديها!!! و علاش المغربي كياكل غير السردين ان استطاع اليه سبيلا…
اه في الصورة المدعوة زكية الدريويش الكاتبة العامة ديال الوزارة الوصية، زعيمة العصابة (و عندي الدليل) و أداة بيدق اخنوش، الوزير الصديقي.
يتبااااع…
يالله بينو لينا…
سير على بركة الله…
