الفرشة – Lfercha واجبنا ضد الفساد
حسن العامري مقاول معروف في منطقة واد لاو، خوه برلماني واحد من نجوم الفرشة المليونية، فقيه بدل الجلدة و ولا احد رموز الفساد المالي و السياسي، ما كاينش شي مصيبة فالمنطقة الا و كتلقى اسمو مذكور، اخرها السنة الماضية نيت كنا نشرنا خبر شدو 207 مفركعة حشيش، السيارة كانت في اسمو و مع ذلك لصقو للشيفور….
المهم خو هاذ البرلماني، بايع عقارات للصوص دفعوا فيها أموال مسروقة و هو عارفها مسروقة، واحد من اللصوص صحيبو كان حارس في السجن عندو تاريخ اسود فايت شدوه بكيلو ديال الحش.يش فسيارتو و فباب السجن و ما دارو معاه والو، دارو مجموعة من السرقات و السطو على الفيلات، اخرها لي غايطيحو على اثرها فيلا ضربو منها 320 مليون.
الشفارة كيجيبو الفلوس عند صحيبهم العامري خو البرلماني كياخذ الفلوس و يعطيهم عقاران، شقق او محلات تجارية، المهم عصابة فيها السرقة و تبييض الاموال…
ورا العملية الأخيرة تشدو اللصوص، و هاذ خونا دا الفلوس و العقارات، العقارات ما لقاوش الوقت فين يدوزهم في اسم اللصوص باقين في اسمو لدابا، علما انه تخلص من عندهم بفلوس السرقات بدليل التحويلات ديال الفلوس لي ثابتة وصلاتو في نفس تاريخ السرقات…
ملي كملو الشفارة مدة عقوبتهم خرجو كيطالبو المقاول اما برزقهم او العقارات، واحد فيهم را ساكن لدابا في واحد من العقارات لي ما زال في اسم هاذ الشفار الكبير العامري…ما بغاش يعطيهم رزقهم، ناض زور واحد العقد ديال الكرا بينو و بين بنت حارس السجن صاحبو لي خرج كيطالبو بالمسروق، بهدف تعليل تحويل 25 مليون لي توصل بيها العامري، التاريخ دارو قبل واقعة السرقة زعما را ما عندي علاقة بفلوس السرقة…
ناضت البنت دعاتو بالتزوير و تبييض الأموال، تدارت خبرة عندنا نسخة منها تتبث ان العقد مزور، و ان التحويلات لي توصل بيها لا يمكن تكون الا من أموال السرقة بحكم ان حارس السجن ما يكساب ما يعلام، الدعوى تحطت سنة 2021 و يالله تحكمت دابا، و باش غاتحكم من طرف القاضي الرشايوي لي هرب لاسبانيا من محكمة تطوان ؟!
خو البرلماني خذا ست أشهر موقوفة التنفيذ على التزوير و تبييض الأموال !!! و حارس السجن خذا ست سنوات دوز منها خمسة، و بنتو خذات عام نافذ لي باقا لدابا هربانة مع جوج وليداتها رضع…بعدما حاول معاها خو البرلماني بجميع الطرق باش تنازل ليه فقضية التزوير، فالاخير كلشي خذا النافذ الا خو البرلماني لي بعد عامين عاد اعطاوه ست اشهر سورسي على تهم التزوير المتبث بخبرة رسمية و تبييض أموال السرقات لي باقة لحد الان في اسمو !!!
يتبااااع…مع اسئلة كثيرة محرجة و حجج دامغة…
سير على بركة الله…
