الفرشة – Lfercha واجبنا ضد الفساد
الواقعة وقعات نهار جات عائلة اولاد عمو عندو للدار تطلب منو يتقي الله و يرد ليهم رزقهم، تكبر و اخذته العزة بالاثم و طلع فوق الميدة وسط دارو و اهلو دايرين بيه كيشوفو، الأسرة الكبيرة كلها حاضرة، كان لابس كندورا صفراء و قاليهم : و الله واخا ينزل الرب ما يخرجو خوتي من الماكازا…
وا سيادنا نحكي ليكم هاذ الواقعة…باش يعرفو المغاربة هاذ السبيسيمان الق_ذ_ر ديال المسؤولين على العدالة فبلادنا اشمن طينة ديال الرجال…
المدعو الهاشمي ادريس لي هو أخ القاضي الظلوم رضوان الهاشمي كان داير مع ولد عمهم المدعو الهاشمي نورالدين (لي عندو اعاقة فالسمع و النطق) يكري من عندو محال ديال الرياضة (لاصال)، دار معاه عقد كراء سنة 2011، و خلصو في عام واحد فقط، من ذاك العهد قبل حوالي 14 سنة و ليومنا هدا ما كيخلصوش فالكراء…انظر صورة العقار فالتعليق…
الحكرة ما وقفتش هنا، من بعد كيدخل معاهم صحة في شراكة في محل اخر لاصق على المحل الأول تاهوا ديال هاذ نورالدين الهاشمي ، فرع و اح_تل و قاليه غانشرك معاك صحة، على اساس القاضي الظلوم و خوه يدخلو براس المال، باش يديرو الاصلاح و التجهيز، و ولد عمهم لي من ذوي الاحتياجات الخاصة غايدخل بالملك، المهم ملي بدات القهوة خدامة، الشهر الأول الشهر الثاني، مشى مول الملك الهاشمي نورالدين عند اخ القاضي لي هو ادريس الهاشمي باش ياخد النصيب ديالو علاش اتفقوا، حتى نكرو القاضي كيقوليه شكون نتا بعدا، جيب لينا عقد الشراء باش شريتي باش عرفنا هاذ الملك ديالك، راه هدا شي ماشي في اسمك…و القهوة و الماكازا لي خذا باقين عندو لدابا مستغلهم بدون وجه حق بالظلم و الهريف و استغلال النفوذ…
السيد ما عرف باش تبلى، غاتحاول تتدخل ام هاذ الهاشمي نورالدين الحاجة حادة و زوجة الهاشمي نوردين فاطمة حاتم، باش يهضرو مع القاضي الظلوم و خوتو، حتى كيتفاجؤو بانهم في حالة اعتقال، زوجة الضحية نور الدين كانت عندها بنتها في عمرها عامين تعتقلت تاهيا حيث جات تطلب رزق اولادها، و تقدمو عند وكيل الملك بمدينة الجديدة و خرجو بكفالة…
كاع هاذو لي ذكرنا اسماءهم كانوا حاضرين لواقعة الميدة و الكانضورا و تحدي الخالق من طرف القاضي الظلوم امام عينيهم، و هكذا بقات الامور تحت سيطرة و غطرسة القاضي رضوان الهاشمي مستغلا النفوذ ديالو في مدينة الجديدة، و مازال هدوك المحلات بجوج حاط فيهم خوه المدعو دريس الهاشمي الى يومنا هذا….
النيابة العامة الغير محترمة و الصخافة، را كنكذبو غير على المو_تى، سيروا عند هاذ الناس سولوهم و حققوا معاهم واش هاذشي كاين و لا لا !!!
سير غا سير على بركة الله….
العقار علاش داويين في اثنين غربية
