الفرشة – Lfercha واجبنا ضد الفساد
بغيت عير نقوليكم الفرشة صارت حديث مجالس تادلة و الضو ولا كيطفى فيها معطل من نهار ضربتها رعدة الفرشة، و بعض ضحايا الدكتور الثايق، و الله، و بكسر الهاء، تواصلو معانا و كيبكيو من الفرحة، من بينهم السيدة لي فرشخها الدكتور وسط المستشفى بالكروشيات و ما انصفها لا قضاء لا وكيل الملك بطل العالم في حفظ الشكايات عزيز أزراف و لا بوليس لي جاو تالمستشفى و تفاصلو مع الدكتور و ما فرغوش محتوى الكاميرات باش يشوفو الكروشيات لي كان الطبيب يعطيها، المهم قلبها برد و لو بعض الشيء و بكات بالفرحة ملي شافتو معلق…فض.ائح أخرى للدكتور التايق في الطريق، و ضروري ما نعرجو في طريقنا على الطبيب طب العام كراطي، الطبيب المعجزة (غادي تعرفو علاش معجزة) لي التجأت ليه العصابة باش يفكها من الزور بالزور، انظر عيادة الطبيب المقصود في التعليق في انتظار العمارية بالصورة ديالو ان شاء الله بمجرد العودة من العطلة مع الوليدات..
من جهة أخرى عثمان الطرمونية رئيس جماعة حد ولاد فرج استضفو فؤاد مسكوت اليوم في برنامج مباشر و تبرأ من منبر ولد مول السيركوات اليوسي لي غانرجعو ليه نتفكروه تاهوا و نواجهوه ببعض الاسئلة المحرجة من قبيل من اين لك هذا يا هذا، المهم الطرمونية وصلاتو رسالتنا و اعتبر ظهوره على هاذ المنبر كان خطأ بالنظر لما يروج ولد مول الموزونة من محتوى بئيس يمس الاعراض و يقذف المحصنات.
باقي ملفات كثيرة مفتوحة بالصويرة مع لاجودان سميمو و اخشخوش و من معهم في قضية ورث 12 مليار للحاجة فاضمة ابناي، اكادير مع عصا.بة الشوري و الجوهري و كرم في قضية خزنة الهبزة و السنتيسي و ادليزة و ربما كذلك نرجعو لكارطيل ايدبيشو و الطبقة نتفكرهم تاهوما، تارودانت كذلك باقي ملفات خاصها تفضح، طنجة مع الحاج 12 مرة بفلوس الأرامل و الأيتام و رفاقه، و طبعا الجديدة مع البرلماني المفلت من العدالة و العقاب يوسف بيزيد لي نوضنا عليه البلا و و الله الا باقي ما دخلنا فالصحيح ديالو ما زال نخويه البلاد ان شاء الله ملي نخرج هاذشي لي عندي عليه…
و لي ما جاوبناهش من الحباب او تعطلنا عليه أو نسيناه يلقى لينا العذر و يوسع خاطرو و الله المستعان…
تحياتي للشعب الفرشاوي الأصيل…
سير على بركة الله …
