الفرشة – Lfercha واجبنا ضد الفساد
تا هاذ الشف.ارة الصغار ما تحكروهمش را دايرين غازاوة في الدراوش…
بجماعة انشادن إقليم شتوكة ايت باها عمالة بويكرى، واحد رئيس جمعية استاذ يا حسرة (مع احترامنا و توقيرنا لكل نساء و رجال التعليم طبعا) اسمو جلال امهال (الصورة)، لقاوه ضارب ستين مليون لجمعية من أموال المنخرطين و اموال دافعي الضرائب ديال محو الأمية بناء على خبرة حسابية (عندنا نسخة منها) امر بها قاضي التحقيق فالابتدائي تدين الرايس الشف.ار بوضوح، كان داير حساب بنكي خاص ما مديكلاريهش كيدوز ليه الفلوس حتى جا رئيس جديد و دعاه عاد سد الحساب، المهم تحكم فعلا ابتدائيا بست أشهر سورسي و يرد 60 مليون للجمعية، تالهنا مزيان…
ناض استانف الحكم و كيبان من هاذشي لي غانعاود ليكم انها دارت فلوس، لانه غادي يامر احد قضاة الاستئناف بخبرة استشارية جديدة بحالا الأولى و لي هي حسابية محضة و واضحة تبيريمات او لا الخبير المحلف لي عينو السيد قاضي التحقيق ابتدائيا ما كيفهمش و لا كان سكران، و سبحان الله يا مومن الخبرة الجديدة فيها كثير من الخشونة (عندنا كذلك نسخة منها) تكاد نبرئ الرايس الش.فار…
الملف ابتدائيا تحكم في وقت معفول لكنه باقي مجرجر فالإستئناف من ايام كورونا…ستين مليون بالنسبة لجمعية صغيرة بحال هاذي راها فلوس و تقدر تدير الكثير لساكنة هاذ الجماعة الصغيرة…
يتبع…
سير على بركة الله…
