تسمعون في الفيديو القادم بإذن الله من تسجيل محادثة رباعية جمعت بين الدكتورة المدرحة نجاة مغراوي

و شريكيها في النصب المدعو عبد الصمد الادريسي لي قدماتو كمنسق دولي لماعرت اشنو، و الملقب مولاي الشريف الخارق لي عندو النو..وي من جهة، و بين من يلعب دور الضحية الأخ المصري حمادة علي من جهة، التسجيل تم باتفاق و تخطيط مسبق بين الفرشة و الأخ المصري.

الشريف المدرح للدكتورة المدرحة : قولي ليه را خاصو يرسل ليا الفتوح حيث الفتوح مفتاح الفرج.

الدكتورة المدرحة للشريف المدرح : نعم مولاي الشريف الفتوح فيهم التيسير و البركة غادي نقوليه و نفهمو.

الشريف المدرح للدكتورة المدرحة : ملي يرسل ليك ذاكشي باش سخاه الله قوليها ليا نعطيك رقم حسابي باش تحوليهم ليا.

الدكتورة المدرحة للشريف المدرح : مرحبا مولاي الشريف و لكن را خاصو يدير ليا وكالة ياك أ مولاي الشريف ؟ حيث انا معتمدة في محكمة طنجة، و نقدر ندخل عند الوكيل و الوكيل العام فالجديدة.

الشريف المدرح للدكتورة المدرحة : واخا و لكن خاصني نكون انا معاك، غادي نعطيك شي حاجة تهزيها معاك نهار الجلسة غادي ترونيهم فالمحكمة، انا عندي السل..اح النو…وي لي ما عند لا قاضي لا محامي، انا اضمن لك يربح القضية و هو ناعس فدارو بلا ما يحضر كاع.

الدكتورة المدرحة للشريف المدرح : لهلا يخطيك علينا مولاي الشريف، الله يطول لينا فعمرك.

و شبعة ديال الضحك و هم كثير، فيديو فيه عشرين دقيقة غادي تبرعوا مع الدكتورة و عصا.بتها…السؤال، كم عدد ضحايا هاذ العص.ابة ؟!

صبحكم الله بكل خير…

سير على بركة الله…