الفرشة – Lfercha واجبنا ضد الفساد
بعد التسجيل لي نشرت الفرشة و هو كيتفاصل على لي بون د كوموند ااا ما فهمتش كيفاش زكلتي من الاعتقال فهاذي و ضحاو غير بخوك، ربما حيث من حز.ب من تحتها و بهدوء ؟! و لكن هاذي لي فالتعليق غادي تجيب تمامك الله اعلم 
طل طل فالتعليق، و قوليا عيش خويا، هاذ الشهادتين لي وقعتي و رخصتي لصحيبك من املاك الغير من اراضي الجموع لي راك داير فيهم غزاوة و شحال من درويش من تنغير فاق لقى راسو بلا ملك، عندي عليهم بعض الأسئلة اذا سمحتي.
نبدى معاك فالشكل، واش لاحظتي بلي فالشهادة الأولى كاين رقم بطاقة تعريف و فالشهادة الثانية كاين رقم بطاقة تعريف مختلف علما ان الامر يتعلق بنفس الشخص ؟ واش فراسك ان الرقم الأول ديال المعني صحيبك الناصري و الرقم الثاني ديال باه ؟! انا كنقول فراسك…
دابا ندوزو للمضمون و هو لي غايكون فيه الحبس ان شاء الله، تا قوليا تا شكون تا بعدا باش توقع على شهادة بحال هاذي ؟ باشمن صفة ؟ هاذ الحق حصري على ناس الودادية و رئيسها لي عندهم لائحة المستفيدين من اراضي الجموع ؟! تا هاذي غاتكون عارفها غبر بغيتي تدوز الدكاكة على الدراوش…
ثم السؤال الاهم، هاذ الرخصة لي اعطيتي، قبل ما تعطيها، تواصلتي شاي مع الودادية باش تعرف الرقم ديال البقعة واش ديال هذا صحيبك المعروف بالتخرويض فالنقرة لي كتخرج من المنطقة بالاطنان ؟ و لاغير حدرتي راسك و زطمتي على حقوق عباد الله ؟ واش فراسك ان هاذ الرقم لي وقعتي عليه لي هو 388 عندو ماليه و أن اسم صاحبك ما كاينش ريحتو فاللوائح ؟! انظر دليل لائحة المستفيدين المحينة و حجج استفادة الشخص صاحب الحق المنزوع في التعليق !
درتي شي بحث ؟ و تا شكون بعدا باش تدير البحث بغيت نقول طلبتي من رئيس الودادية لي عندو الحق و الصفة و الاهلية يدير البحث الميداني ؟! هاحنا طلبناه فبلاصتك و عرفنا علاش ما طلبتيهش تا و والله تا فراسك بالح.لوف…
لا هاذي تاهيا غاتكون فراسك، بغيت غير نقوليك را الضحايا لي نزعتي منهم ملكهم بجرة قلم غادي يسيفطوك للحبس ان شاء الله بالشكاية لي وضعو ضدك و نتا خدام عليها باش يدفنوها، مك يا مك و شحال يكدك….
يتبع…
سير على بركة الله…
الشهادة الأولى
الشهادة الثانية
الشهادة الثانية
حجة استفادة صاحب الحق
لوائح المستفيدين المحينة عبر بحث ميداني من طرف رئيس الودادية يوجد بها اسم صاحب الحق و لا اثر لصديق الرايس لي رخص ليه الناصري
الشكاية
