الفرشة – Lfercha واجبنا ضد الفساد
تخيلو يكتب عليك الله الحبس تدوزو تخرج حلك دلك ما يعقل عليك تا واحد، تا كيتاصل بيك واحد يقوليك انا كنت متابع ديالك و اثق في نزاهتك و غادي توقف معاك نعاونك تا توقف على رجليك…
بدى كيتعاون معاك فعلا كل مرة باش قسم الله، الف، الفين ثلاثالاف درهم، باش تعيش و تخلص الكرا و الما و الضو، واحد الوقيتة شفتي السيد ما كيقوليكش لا و كيثيق فيك، اقترحتي عليه يسلفك 30 الف درهم باش تدير بيها مشروع صغير ديال الشاريوات فسوق الجملة بحكم التجربة الطويلة لي عندك فالسوق، و تردهم ليه ملي تيسر و توقف على رجليك…
فعلا ارسل ليك 30 الف درهم باش تدير الشاريوات، بعد مدة ارسلتي ليه شي صور ديال شي شاريوات عند شي سودور، و بعد مدة قلتي ليه اسمح ليا ما صدقاتش حيث الشارويوات تصايبو بشروط تقنية مخالفة للمعايير…
لقيتي السيد ولد الناس و قاليك ما كاين باس، قلتي لو انا تسرعت ملي خدمت فالشاريوات، كان عليا نخدم فشي حاجة كنفهم فيها، بحال بحاير بطاطا ندخلو عليها و نجيبوها نبيعوها فالمارشي و نقسمو الارباح كشركااااااااء ماشي صدقة كما تدعي… و مازال انشر اعترافاتك الصوتية ديالك نتا كتشهد ضدك…
و بدى السيد كيرسل ليك و نتا كتدخل على البحاير و تبيع و تدير فجيبك، و تمشي تقصر بيهم نتا و صحيبك عيسى تهموت فالجديدة و سيدي بوزيد، و عمرك ما رديتي ليه تا فرنك و لا بينتي ليه لا فضل لا رأس مال حتى وصلتي معاه ل 29 مليون …و السيد موسع خاطرو عليك حتى فضحك واحد من الشباب لي كان يقلب ليك على البحاير و اتصل مباشرة بعمر مول الفلوس و حكى ليه اش كتدير و سجلك صوت و صورة، و مازال غانشرو كلشي بإذن الله…
نهار حط ليك البيضة فالطاس قلتي ليه نصبو عليا، قاليك واخا اعطيني غير عنوان اخر بحيرة شريتي ب 15 مليون فيناهيا ؟ فيناهوا رأس مال او ربح البحيرات السابقة ؟! والو ! بقيتي تدور فعينيك و تدخل و تخرج فالهضرة…و بلوكيتي السيد ما بقيتيش باغي تاتجاوبو…
كل كلمة قلتها هنا عندي عليها سند، ترقبوا الاعترافات المسجلة….
سير على بركة الله….
