كار.طيل أكادير، براغا يا براغا، تا را الفرشة كتعطيكم غير اللاصق بعون الله…

سي الحموشي، هاعلاش كنقولو راها مثقوبة، لي ضارب القضاء ضارب السلطة و ضارب تا الامن، كاين رجال كيشرفو الكسوة و المسؤولية و كيخافو الله و القسم، و لكن را كاين فالمقابل شي عناصر تمكنت منها الغر.غرينا و خاصهم الاسئSال…

هذا هو اشرف النفاث ولد الحاج رحال كتعرفوهم دابا من نجوم Lfercha الفرشة جبدناهم غير وليارح و البارح، لي كان تورط في قضية ديال التهر.يب الدولي للمخد.رات سنة 2020 فعز كورونا فاش كانوا الناس سادين عليهم، سي اشرف كان خدام الله يعطيه الصحة.

المهم يوم السبت 07 نونبر 2020، مصالح الجمارك بميناء أكادير شدو حاويتان مرقمتين كالتالي SEGU 953560/9 و CGMU 517122/5، لقاو فيهم مواد مغايرة للاسماك، الحش.يش مخبي كان في عدد من العلب، مرسلة من الشركة المسماة MALAGA FISH الكائن مقرها بتجزئة المسيرة الخضراء المرسى ( العيون ) إلى الشركة المرسل إليها المسماة INSTANTE CREATIVO .LDA الكائن مقرها بمدينة BARAGA بالبرتغال، هاذ Braga ما فكركتمش ف شي حاجة؟!

هي هاذيك هاذا هو اسم الباطو الروسي لي شدو قبل يومين في اكادير فيه عشرة طن و نص، فهمتيني و لا لا ؟

السلطات الامنية غادي تفتح تحقيق معمق انذاك و غادي يتعتاقل سي اشرف النفات و شريكو لي عندو سوابق فالتهر.يب كذلك، اضافة الى اشخاص اخرين، و غادي تنجز محاضر احترافية تورط فيها ولد الحاج رحال حتى الوذنين.

شنو غادي يوقع عزيز المواطن من بعد؟ غادي يتم اطلاق سراح سيدي اشرف بعد اشهر من اعتقاله، و غادي يغرقو لوخرين، رغم ان جميع المصادر تؤكد ان الترونزيتير بريئ و ضحاو بيه، و سي اشرف سيعود ليعانق الحرية رغم ان شريكو عض فيه، و اكد انه متورط معاه فالعملية…

واحد على جوان يقدر يضرب عام ديال الحبس، و لي متورط فقضية ديال التهر.يب الدولي طلقوه باش يرجع يتبورد فالطوموبيلات و الدراجات النارية الفارهة…

دابا البوليسي يضرب تمارة و يسهر الليل و يخدم النهار باش يفكك شبكة ديال التهر.يب الدولي، و الادارة العامة للامن الوطني تدير بلاغ للرأي العام حنا درنا و فعلنا و شدينا و كذا، و بعد اشهر قليلة يخرج الزعيم البر.هوش يتبورد على البوليس فالرونج روفر

كايضحاك.

سير اودي سير على بركة الله…