الفرشة – Lfercha واجبنا ضد الفساد
ديرونا ما كنفهموش فكورة كاع، و ديونا على قد عقلنا…
دابا علاش في عهد لقجع مثلا، نادي حديث العهد ممول من أموال قذ.رة (مخد.رات و اموال عامة) عندو مركز تكوين نعاما سي، و بكثرة الميزانيات و المقرات العمومية ديال الجماعة لي تحولت لاسم نادي مول النافورة عبد السلام بلقشور، راه كيوجد لفندق غايبنيه على اطلال مؤسسة عمومية تم تحويلها لملكية الفريق، المهم خلينا من ملفات بلقشور العديدة، متابعينا القدام كيعرفوها.
دابا ملي نادي بحال الزمامرة عندو هاذ الامكانيات و عندو مركز تكوين كما قلت، و نوادي عريقة اغنت ذاكرة المغاربة و أمجاد كرتهم القابا و اسماءا ؟ بحال الكوكب مثلا ؟ بحال الكاك د قنيطرة ؟! الكوديم د مكناس ؟ ما لاقينش تا باش يعيشو ! ماشي مقصودة زعما ؟ زعما دابا هذا نجاح و لا هو ام الفشل ؟!
اما واحد بركان، اواه، فرقة عندها ما شاء الله صفر ليتيج، كيشريو احسن لعابة البطولة، جايبين مدرب بخمسين مليون للشهر، لا دخلت بركان للمزايدة على شي لعاب ما كاينش لي يهضر غير ارجع اللور، ضبرو ليه فسبونسور ناضي، و دايرين عشرين درهم الدخلة للتيران و بعض المرات غا بعشرة و عابلاش كاع ! و كيديو البطولات، هاذو را خاصهم يتزارو !
و تحية عالية و غالية و عامرة طنيز، للبطاقة الصفرا لي خذا بانون ضد بركان، المشاغب الاخر، علاش اصاحبي تخلي لاعب بركان يحيد ليك التوني وسط مربع 18، علاش الخايب ؟!
السؤال، واش الهدف هو تأثيث المشهد الكروي بأصحاب الشكارة لغرض في نفس العصا.بة ؟ حتى يسهل التحكم في كل شيء ؟ نتائج و تبييض أموال و هلم جرا….
سير على بركة الله…
