الفرشة – Lfercha واجبنا ضد الفساد
غير فالكورة مثلا، شهر هذا وانا نهبش و نفdح، بالاسماء و الصفات و التواريخ و الأماكن و المبالغ، و تحديت اسماء و مؤسسات رسمية بعينها تنفي او ترد على اسئلة بريئة، من تفاصيل سمسرة الماطشات و اللعابة الى غياب التقارير و الجموع، الى عراضة سي عبد النبوي هو ولدو الموثقة بصورة حصرية، الى عراضة مدير امن المطارات و شاف لابيجي و فلاح عند سيهم ايت منا الى “ماااارنبورو نايت” المسرول، الى شقق و اراضي سي الداكي لي خذا بلا سمسرة، الى قضاة الاخلاقيات لي عركوها امتيازات و بريمات من الجامعة اضافة للشقق لي عاطيهم ايت منا فين ساكنين، الى قصارة مستشار جلالة الملك فبرتوش مع الqواد ظهير تاهيا موثقة بصورة حصرية، الى الفلوس لي خرجت فنص الليل من البنك فكرطونة موثقة بالتاريخ و الساعة و الاسماء و الاشهادات …الخ الخ الخ….
واش عمر شي اسم جبدنا خرج قاليكم الفرشة كذب عليا ؟! فلاح مسكين هو الصغيور فيهم قاليك اسيدي انا مولا وايدات، كنت حاضر و لكن و الله ما فراسي شي بيع و شرا !!!!
المسرول خرج نفى ؟ فلاح خرج نفى ؟ الداكي خرج نفى ؟ عبد النبوي خرج نفى ؟ كار_طل مراكش او ولد مدير الأملاك المخزنية صاحب العقد مع الكوكب خرجو نفاو ؟ الورزازي و ظهير و الشوفاني ؟ ايت منا و نعيم ؟! الفيلالي لي وقع رخصة سعد اكزول ديال الكوكب من ميامي خارج فترة الانتقالات ؟! و لا جوج BMW لي شراو الورزازي و الفيلالي في نهار واحد كاش ؟! الخ الخ الخ…
قاليك لاش كادوي على كورة اش استافدنا، تاشمن كورة امقلوب القفة، را الفساد الحقيقي علاش داويين…و مازال بإذن الله….
سير على بركة الله….
