أمانديس طنجة مرة أخرى فعمارية الفرشة…جمعي الوقفة وقولي حاضر…

حيت صعيب يقنعني اي مسؤول فهاد الشركة على أن الفساد حالات فردية منعزلة أو أخطاء بحسن نية، حتى ولينا نشكو واش كاين شي مسؤول نزيه فيه خوف الله، وكيما واعدناكم، غنشرو غير شويا من وسخ مسؤولي هاد الزريبة ديال أمانديس، لي ايلا دخلتي لصفحتهم فالفيسبوك، غا تشوف شعارات واشهارات ونداءات كتطالب بترشيد استهلاك الما، وحسن تدبير موارد الشركة، البشرية والمادية… ولكن الواقع فضائح أبطالهم مدراء ومسؤولين كبار، وفيهم حتى عمال صغار ، و فيهم حتى سماسرية من برا الشركة، و فيهم منعشين عقاريين ومستثمرين وناس عندهم نفوذ.

كيفاش ؟

ملي كيجي شي نافذ حصل سارق الماء، كيلعبو معاه لعبة شيطانية، يزورو ليه محاضر صورية، فيها مثلا 60 مليون غرامة على السرقة، و كيتفاهمو معاه يبدلو ليه الرقم ل 20 مليون، ويخلص فيها 10 ملاين رشوة ( قهوة )، كيجيب ليهم المعني ولا السمسار ديالو ال 10 ملاين، ويقطعو المحضر، ويقولو ليه، على وجهك مسحنا كلشي، والرئيس والناس لي معاه خداو 10، وحنا درناها معرفة نقدرو نحتاجوك طبعا… و المعني بالسرقة كيشوفها كبيرة بزاف ويتسنا الوقت لي يطلبوه فشي خدمة يرحب بيهم حيت تعاملو معاه ف 50 مليون.

بلاتي، الفرشة غتزيد تغرق شويا للتحت، كاين عندهم لي اختصاصي فتزوير الإمضاءات ديال مسؤولين كبار، ونرجعو شوية للي فات، واحد التوصيل نشراتو الفرشة من قبل فيه 80 مليون شكون لغاه ؟

لغاه اسماعيل الركراكي، لي ماعندوش الحق يلغي حتى 5000 درهم، حينت كلما كبر الرقم كيولي الالغاء موكل لمسؤول أكبر، و فحالة 80 مليون، لابد من امضاء المدير العام، وبالكاشي ديالو، ومدير الما والواد الحار، ومدير مصلحة محاربة الغش وسرقة الماء، وبالفعل تلغا الدوفي، بتوقيع الركراكي وامضاء مزور، وفالوسط عبارة بالفرنسية ( إلغاء )، يعني الشفار اسماعيل الركراكي عطا لنفسو الحق يلغي 40 مليون، وقادها تبقا مسطرة فالسيستم من 2014 ليومنا هذا.

وخارج الشفار ديال منصف الرميلي كيهضر بلا اخبارو ، علاش الفرشة قالت عليه شفار، نعم شفار حيت حتى هوى حصل سارق الما، وتسجلات فالسيستم وطلب من اسماعيل الركراكي يلغيها، وفعلا لغاها، ولكن بقى الاثر (لاطراس) ديالها فالسيستم.

مافيها باس نجبدو واحد الوسخ من بحر الفساد المعشعش فمفاصل هاد الشركة، القوية على الضعيف و الحمامة مع الأسياد وعلية القوم ووجهاء مدينة البوغاز، وغانعطي هاد المعلومات للسيد والي جهة طنجة تطوان الحسيمة ولعمدة المدينة وطبعا للسلطات القضائية ، و لرئاسة النيابة العامة ووكيل الملك فعروسة الشمال طنجة العالية، وعلى بركة الله نبداو بخمسة ديال السرقات اليوم، و كل يوم ان شاء الله غادي نشرو ليكم بحالهم…

1- مبارك صاحب سماعيل الركراكي والسحار ديالو الخاص عندو فران و 3 طوابق حصل شفار ديال الما رقم المكانة : D18AA28007

2- الحرش :نادي الفروسية رقم المكانة : D17AA17462
وهادا ديجا حصل فرود ف 20/9/2017 ومرة أخرى ف 26/6/108 وبنفس الطريقة

3- رئيس جماعة القصر الصغير فرود فالليل ديالو رقم المكانة : D15AA09735 وجيرانو حصلو بحالو 8 فيلات وطبعا سي الرئيس صاحب اسماعيل الركراكي وأراو من تما وماعند مريضنا باس ماهيا غير فلوس الدولة حتى مصطفى الهابطي مامسوقش واصلا هاد الشفارة كاملين صحابو وحبابك بحكم ان السيد العامل كان مدير فالشركة ايام كانت وكالة من بعدها وأصبح رئيس مصلحة التتبع وبعدها مدير عام وكالة ديال مراكش الحمرا ومن بعد نعم عليه الله وترقى عامل فوزارة الفتيت ومن باب تنوير الرأي العام فسي مصطفى الهابطي مذكور فتقارير جطو هوى والسيدة حرمو

4- سطاسيون بيتروم طريق الرباط التاريخ : 27/6/2019
رقم المكانة : D7021858

5- اوطيل بوراسول لي سبق لينا هضرنا عليه ديال عبد الكريم بوراسو فالبياج ديال طريق الرباط رقم المكانة : O7AE128235

ترقبوا البقية في المقالات المقبلة بإذن الله…

يتبع…

سير على بركة الله…