حصري..امانديس طنجة، را قلنا ليك جمعي الوقفة…

خمسة ديال السرقات من عائلة وحدة حصلو فسنة 2019، حفرو على القادوس ديال 160 بالدجيسيبل، وتحررات مخالفات فحقهم بحضور المفوض القضائي والمصلحة القانونية لأمانديس طنجة ولابوراطوار ديال التحاليل ديال الما، خرج ليهم 4 دوفيات غرامات لكل واحد 38 الف درهم (الصور في التعليق)، والخامس 63 درهم، ولحد الساعة راها مجبدة رجليها فالسيستيم !!!

مدير الزبناء ماكلفش راسو يعطي الأمر بالخلاص ولا اتخاذ الإجراءات القانونية لي كتدار عادة على الدراوش ديال طنجة، وقاليك ادارة أمانديس فتحات تحقيق !!!

هادي نزيدوها ليك على الدوفي ديال 80 مليون (تاهوا نعيد نشره في التعليق)، لي ولات 40 مليون بجرة قلم من الش*فار اسماعيل الركراكي…ومن مصلحة الفرود كان حاضر المستخدم سفيان مجاهد الأنصاري لي غنرجعو ليه فعمارية أخرى فقضية العمارة ديال شارع عبد السلام بن بوحوت…

هاد العائلات المخملية تعطاتهم برونشمون دالما بالرغم من أنهم ماخلصوش المخالفات، يعني دوووز فالديوانة والسالمون وبلحاج عبد العزيز و ومنصف الرميلي وحسن التمسماني قبل التقاعد ديالو فالذمة…

يتبع…

سير على بركة الله…