الفرشة – Lfercha واجبنا ضد الفساد
متابعينا القدام كيعرفو هاذ الخس*يس نجم نجوم تلفرشة من كثرة المنشورات لي حطينا عليه بالحجة و الدليل…و على بوخنونة البرلماني عبد الصمد خناني المحكوم بثلاث سنوات نافذة قبل أن يبيع قهوة و يتفاصل و يرجع الحكم بقدرة قادر لثلاث أشهر موقوفة التنفيذ…
وا زيدكم هاذ الحجاية على ملفات المخدرات و السلاح و الاختطاف و القتل و التدخل و التلاعب فالاحكام و و و لي كلها كيكون مصيرها الحفظ بمجرد ما يتذكر فيها اسم العقرب بوطويل الصحراوي رئيس جماعة بني خلف !
الدركي النزيه سي محمد حمراوي كان خارج يدير دورية فعروبية ديال بوجنيبة، لقى شي سكايرية مجموعين كيشربو فالليل، داخلين وسطهم بزنازة ديال الصحيريوي رئيس جماعة بني خلف، و لقاو سيارة فيها الغبرة و راكب فيها خو البرلماني بوخنونة عبد الصمد خناني رئيس جماعة بوجنيبة.
دارت تليفونات حضر القبطان شاكر لي اتصل بصديقو الصحيريوي، جا هو و البرلماني بوخنونة عبد الصمد خناني، حيدو السيارة لي فيها الغبرة لي كان فيها خو البرلماني، و جابو المدعو بوطويل الميلودي ولد خو بوطويل الصحراوي لي كان ذيك الوقت مخاصم معاه اتفقوا يدفعوه كبش فداء و قدموه بالسكر، و جابو المدعو بنخيي لي كان عندو شكاية ديال الغبرة، بنخيي دا عام و نص، لكن الميلودي بعدما هدد انه يفضح كلشي لا ما خرجوهش، الصحراوي اتصل بوكيل الملك قدام الحضور خرج بغرامة، و السيارة العامرة لي فيها خو البرلماني غبروها.
باش تاكدوا سولو الدركي حمراوي محمد، كان حاضر و تحاك معاهم ذيك الليلة و قاليهم علاش تحيدو السيارة عامرة، قاليه القبطان انا لي كنحكم ماشي نتا، هاذ القبطان الفاسي لي سبق طلعناه للعمارية، الصحراوي هو لي تدخل ليه عند مسؤول كبير فالدرك ملقب ب بوصبع هو لي زادو عام فخريبكة، و الدركي سي الحمراوي عذبوه فحياتو بسبب الموقف ديالو، كتبو بيه، حولوه لاكادير و كرفسوه مسكين هو و اولادو مزيان .
سير على بركة الله…
