الفرشة – Lfercha واجبنا ضد الفساد
الكريك المستشار البامي بجماعة سيدي مومن الشرقاوي ايدر الهارب من أكثر من مذكرة بحث، في قضايا نصب على امة ديال البشر، لي مواعدو بالسكن و لي مواعدو بالسيارة و لي مواعدو بالهجرة السرية، أقل واحد فيهم شاد من عندو 10 مليون كاين لي ضاربو في 30 مليون و كاين أسر ناصب عليهم كاملة…
هاذ المستشار لي كتبنا عليه اكثر من مرة فالصفحة المليونية مابقاش يتخبى، ملي شافنا تشغلنا عليه ولا دابا كيجي يبات كل ليلة فدارو، و يتحدى و يقلي السم لعشرات الضحايا من اولاد الحي فين ساكن، و يسيني على محاضر الدورات ليلا، و الخطير انه راكب على سيارة كارياها ليه الجماعة بفلوس الشعب، انظر السيارة واقفة قدام دار المستشار الن*صاب فالتعليق.
بالمناسبة، هاذ الدار هي الوحيدة لي فيها ضعف المساحة المرخص بيها للحي باكمله، 150 مترو و الله يخلف على ولي نعمته و حاميه البرلماني بريجة…بينما عباد الله كلها واخذة 84 متر مربع !
واش مازال شاكين ؟! را قلت ليكم البلاد مثقوبة !
سير على بركة الله…
