الفرشة – Lfercha واجبنا ضد الفساد
هذا هو غياث يا من لا يعرفه، رئيس فريق حز*ب التجمع الوطني للأحرار في مجلس النواب، البيدق لي نجح باش يصفيها ل لاسامير ويخرج عليها، وكانت المكافأة ديالو هو يجي هارب من حز*ب الجرار الى حز*ب الأحرار، وبسرعة البرق يولي رئيس الفريق، وفي المستقبل مواعدينو ب وزير.
فهاد المقال بغيناكم تعرفو شوية من بزاف على هاذ الشف*ر، وكيفاش كيحارب الشباب الكفاءات أصحاب الديبلومات والخبرة، وكيحط بلاصتهم بنات سطات لي بغينا نعرفو فحالنا فحالكم : أشنو هو المقابل أنه يجيب بنات بلا نيڤو دراسي بلا خبرة و يوظفهم في إدارة الفريق في البرلمان ؟
جبت ليكم اليوم نموذج، واحد البنت سميتها إيمان من سطات لي خدات بوسط في البرلمان في بلاصة شاب سميتو المهدي من الجديدة عامر ديبلومات، حطو هو وغيرو من الكفاءات في الثلاجة، وهاد شي تكرر في 12 منصب شغل.
لي بغينا نسولوه من هاد المنبر : أشنو هي المعايير لي خديتي باش وظفتي هاد لبنات ؟ و فين هي المباراة لي قلتي غادي دير ليهم كاملين !؟
هاد شي شوية من بزاف مع غياث الحرباء ..
غا لي خاصو يعرف هو النهار لي غادي يطيح غادي يشطحو على وسخو ذنوب هادوك الشباب كلهم لي كانو كيستحقو و حاربهم، و ريحة وسخو غادي تخرج من سطات للمغرب كلو، ودعاوي الشعب ما غاديش تنوضو، طال الزمان ولا قصار…و ان شاء الله على يد الفرشة…
سير على بركة الله ..
