الفرشة – Lfercha واجبنا ضد الفساد
“شحال كنا كناخذو من عند البهجة (الوسيط المعتقل) في فترة حبيس البحر (فترة الراحة البيولوجية) ؟
ميل طن، الف طن، هاذي في فترة حبيس البحر.
ما كاينش لي سايق الاخبار، و نتا فضحتنا على 400 طن. “
هاذ الكلام لي بين مزدوجتين هو ما نطق به ملك الاخطبوط المسروق نسيب سجان المملكة سعيد اللحية بالحرف، فيه اعتراف خطير غادي تلقاوه فتسجيل سمعو بوذيناتكم…
دابا ملي تاكدو المتابعين من الحجة و الدليل لي خارج من كا*بين*تك، ارا لحساب الفرشة…
وا ياه اسي اللحية، ميييييييل طن اي 1000 طن !
هكدا كان التصريح ديالك صوت و صورة مباشرة، وفي احبيييس لبحر، اي فترة الراحة البيولوجية .
المغاربة بغاو يعرفوا واش انت داير دولة بوحدك في ديك الداخلة ؟
هاد الشي كيحير، ياك لفريكواث ديالك فين كتخدم كائنين في الحي الصناعي التابع لنفود جهة الداخلة وادي الدهب ؟ اه لا لا لا لا اه انت عندك فريكو خاص، البيبان دايرين بحال البيبان ديال السجن المركزي قنيطرة و الناس كيحساب ليهم هذاك هو السجن المحلي ديال الداخلة عليه البركة ديال نسيبك التامك السجان…
ما علينا، السي اللحية كول لينا، ياك المارشي كيكون ساد و دخلتي الحوت في فترة الراحة البيولوجية، شكون حسب التصريح ديالك عطاك لوراق باش صدرتي هد الحوت ديال النوار في فترة حبييس لبحر ؟
كون راجل ترجل مع المغاربة غير هد المرة و جاوبهم شكون … حيث راه الف طن هاذي ما ساهلاش، راه ميزانية وقيلا مصروف ديال جهة على كدها، حوالي 15 مليار، وهده كوطة ديالك خاصة بك انت وحدك ! واسيدي واخا تكون غا 150 الف ريال كاع، ماشي اجرام و نهب ؟ الا يستحق العقوبة ؟!
حتى احنا المغاربة ابغينا حقنا من هاد الوزيعة ديال زريبة الصيد البحري، ولا يتعشى غير اللحية بوحدو حيت مو في دار العرس ؟!
يتباع…
سير على بركة الله….
