الفرشة – Lfercha واجبنا ضد الفساد
رسالة للفرشاويين لي فسويسرا لي كايعرف واحد اللبناني سميتو علي الحاج علي، و الزوجة ديالو مغربية سميتها ليلى خليخل، يطاكيه عندما ليه اخبار الخير و يساهم معانا فهاذ الأجر…
اللبناني دار شركة مع عزيز عباد، عرفتوه الكاتب العام ديال غرفة الصيد لي مشى يطلب المدد ضد الفرشة من عند نسيب خوه صمهنين ولد شمهروش، الشركة سميتها marleb و شراو بيها زوج مراكب صيد فاعالي البحار سميتهم : الميس و بن نصير.
من بعد اسيادنا اللبناني مشى رجع لسويسرا، و حيث لا يثق في عزيز عباد، جاب واحد اللبناني سميتو غسان يقابليه شغلو، و عطى المحاسبة ديال الشركة للاخت ديال مراتو سميتها فاطنة خليخل من كازا.
سي عزيز و بفضل الدهاء و المكر لي عطاه الله، ناض دار لغسان و خوه بوشعيب (عرفتوه ياك لي بغى يدير روشيرش على الفرشة و صدق كاتبها فستاتي ) دار ليه شركة سميتها ماريلاند، و بدا كايدوز ليهم فالمارشيات من الشركة ديال علي الحاج علي، و زادهم شركة اخرى اسمها هيلوبس فيشينغ، شرا ليهم باركو اسمو التكتوكي، و حتى المازوط كايتخلص و كايتحسب على المراكب الميس و بن نصير، يعني اللبناني غسان خدامين كايربحو لفلوس بزيرو مصاريف، مقابل انه يسكت على السرقة ديال marleb.
و باش يتهنى من المحاسبة خت مرت اللبناني، لي حطوها تدقق ليه فالحسسابات، ناض شرا ليها دار فكازا كاش، و مرة مرة كايلوح ليها صريف مقابل انها ماتهضرش على السرقة لي كايتعرض لبها راجل ختها ليلى.
لي كايعرف اللبناني علي الحاج علي يقول ليه يتواصل معانا، و حنا غادي نعطيوه الدليل و الحجة على السرقة لي كاينة فالشركة لي عندو فيها حصة الاسد من الاسهم، و تابعاه مراتو عاد عزيز عباد.
اه فالصورة كاين الع*صابة الحاج النفاث و ارزاز (لي غانرجعو ليه في قضية التامين الوهمي) و صاحب صمهنين عزيز عباد.
سير على بركة الله …
