الفرشة – Lfercha واجبنا ضد الفساد
كيفاش عزيز عباد الكاتب العام لغرفة الصيد فاكادير، عرفتوه هذا هو صحيب صمهنين 
، كيفاش كايضرب عصفورين بحجر واحد ؟
سي عزيز واخد البطائق ديال الكازوال من شركة افريقيا و مفرقهم على مجموعة من المسؤولين من بيتهم مدير الصيد عيشان، و شي كولونيلات، و يمكن للدولة تتحقق من هاد المعلومة… و ايلا كذبنا تخرج تمسخنا ! ماعليناش…
العصفوران لي كايضربهم عزيز عباد بحجر واحد هو انه شاري مسؤولين فاسدين بالكازوال من جهة، و مروج الحركة لسي عزيز اخنوش من جهة اخرى…
جميع الناقلات و المركبات لي تابعين للشركات ديال اةكارطيل، عزيز عباد و حسن ايدبيشو و رحال و جواد الهيلالي و فؤاد بنعلالي… كايديرو الغازوال عند اخنوش، و كايفرقو الغازوال ديال اخنوش على الاصدقاء و الاقارب…
من جهة اخرى، الاخبار لي فميكتها هي ان عزيز عباد ماتسرطاتش ليه كيفاش حسن ايدبيشو قلب عليه و حملو المسؤولية بسبب البلاغ لي دار و نشرنا قبل يومين، و حلف حتى ينتاقم منو دائما بالخبث، و هاد شي دفعو باش يتتصل بمجموعة من الصفحات و الجرائد باش يحاول يشري الصداع لحسن مع جواد اليوسفي…
هاذ جواد اليوسفي رجل اعمال كبير فالمغرب و مشهود له بالنزاهة و الرجولة، كان تاهوا في يوم من الايام ضحية ديال كارطيل اكادير، فمحاولة نصب فاشلة انتهت باعتقال شريك حسن ايذبيشو لي فالاخير غادر السجن بعدما تنازل جواد…
المهم الفرشة قجات الكارطيل، و حاليا غايكونو تواصلو مع على الاقل 60 واحد مشتبه فيه بالتواصل مع الفرشة و مدها بالمعلومات، باش يعرفو شكون….
و الله، الا باقي الطرح عاد غا يسخن، ملي ندخلو فعملية النصب لي نصب الكارطيل على ملك البلاد براسو فالملاير الممليرة… نعم قضية مارونا و ما أدراك ما مارونا….
يتبع…
سير على بركة الله…
