الفرشة – Lfercha واجبنا ضد الفساد
كما تعلمون، محكمة النقض رجعات الضوسي ديال الترامي على اراضي بالدار البيضاء لي تورط فيه حسن ايدبيشو زعيم كارطيل اكادير و شريكو الباعقيلي لي عندو سوابق هاد الضومين ديال لهريف على الاراضي ديال عباد الله.
بفضل الله ثم بفضل البارطاج ديال الفرشاويين، محكمة النقض جبدات الضوسي من الارشيف لي كانوا ناعسبن عليه شي وحدين و رجعاتو باش يتعاد فيه النظر.
دابا السؤال لي كايطرح نفسو هو واش عمو بلعسري بابات للا سناء لي خدامة عند ايدبيشو فلاصورانص غادي يدير خدمتو عاوتاني و غادي يخرج منها حسن بحال الشعرة من لعجينة ؟!
التزوير تابت فالقضية و مع ذلك مازال ماعناقلوش حسن ايدبيشو و شريكو علما انه لوكانو شي دراوش، ما كانوش غايعطلوهم، و لكن بما ان الاستاذ حسن كايهضر مع الوزير الهبيل من تحتها، و مخدم معاه بنت الوكيل العام، فماكاينش لي يقدر يعتاقلو.
القضية ديال اراضي كازا هي تحصيل حاصل ديال فساد متجذر فالقضاء ديال اكادير، و لي كيتطاول على الباركوات ديال ملك البلاد بلا مايتعاقب، غادي تجيه فكرة التطاول على الاراضي ديال الناس بحال شربة ديال لما…
يتبع…
سير على بركة الله…
