الفرشة – Lfercha واجبنا ضد الفساد
الوقت ديال كورونا كارطيل اكادير استاغل اغلاق الحدود و نفذو مسطرة ديال الحجز على زوج مراكب ديال واحد الاسباني سميتو اونطنيو كورديو لي كان فاسبانيا داك الوقت.
و حيتاش القضاء رجع زريبة ديال الكارطل ديال اكادير، فالمحكمة ديال طنجة عينات خبير منهدس ديال البني ماعندو حتى علاقة بمجال الصيد البحري باش يقيم ثمن للمراكب.
الفضيحة هو ان سي الخبير حدد ثمن واحد المركب فعشرة ديال المليون سنتيم (تجدون صورة الباركوات فالتعليق)، بدعوى انه لم يعد صالحا للاستعمال، و حنا كانعرفو بلي غير طويوطا برادو الا بغيتي تبيعها للخردة تجيب ليك اكثر من عشرة المليون، فبالاحرى مركب ضخم من الفولاذ حمولته 176 الف كيلو.
السيد دخل للمغرب و دار شكاية لوكيل الملك فطنجة (صورة الشكاية فالتعليق كذلك) باش يتعاد النظر فالمساطير القانونية لي تباعو بيها المراكب ديالو، والله ماتسوقو ليه، و الى حدود الساعة ماجاوبوهش.
المراكب تباعو بزوج ب95 مليون سنتيم و هوما ساويين ازيد من ربعة المليار، طحنو فيها الاسباني بلا رحة بلا شفقة…
للاشارة المركب لي قال الخبير انه غير صالح للاستعمال راه فالبحر دابا خدام بيخير و على خير .
رسالتنا لاباقي شي مسؤول كيغير على هاذ البلاد و شرفها المغ****تصب، يتحرك على وجه المال العام و الصالح العام و العلاقات المغربية الاسبانية، و يعاود يفتح هاد الملف لان السيد ناوي يتوجه للملك عبر الحكومة الاسبانية و ماغاديش يسكت على حقو…
سي عبد النبوي غير طابي رقم البطاقة الوطنية ديال حسن ايدبيشو و عزيز عباد و شوف شحال من ضوسي عندهم فمحاكم المملكة و شحال من مزاد دا حسن غير من المحكمة التجارية ديال مراكش.
سي عبد النبوي حنا عارفينهم وصلو ليك و تحايلو عليك باش تسترهم و لكن هاد شي راه كايكبر و غادي يغرقوك معاهم، راه الفرشة كاتقول ليك بلي هادو لي دوا ليك عليهم الوزير لهبيل نصبوا على عاهل اليلاد و كايقولو ماعندو مايصور حيتاش كاين التقادم.
حضي راسك سي عبد النبوي هادو غارقين و غادي يغرقوك معاهم…
يتبع…
سير على بركة الله…
