الفرشة – Lfercha واجبنا ضد الفساد
الفرشة يتكلم بالحجة و الدليل (الوثائق الدامغة و الحصرية في التعليق)…
بعدما نشرنا الوثائق ديال إتباث التزوير في حق الضحايا ديال عصابة اسماعيل الشوري (صورة المنشور) و باه مولاهم لحسن الشوري و رئيس العصابة المحامي عبد المنعم طه، و المخرج و كاتب السيناريو عميد ديستي طارق زرق العينين…. (الفقيه لي نترجاو بركتو …. دخل للجامع ببلغتو…). وحنا عارفين كيفما جبتو عصابة الدارالبيضاء وضبتوها عن طريق التصنت على الهواتف و التموقع، ممكن نفس العملية تتم مع عصابة التزوير بأكادير…
هاباش الفرشة كتقسح و كتحرج، و ها باش كتحدى !!! أنظر فالتعليق فاتورات بمليار و خمسين مليون سنتيم لشركة وهمية دومين طيبة، و انظر كذلك فالتعليق جواب المحكمة التجارية بأكادير و الملكية الصناعية بالدار البيضاء، تتبث أن الشركة وهمية ولا وجود لها، ومحضر استماع للشوري اسماعيل يقول فيه بأن الرايس المنصوب عليه فباخرة ديالو محمد بازين تسلم السلعة بمقر الشركة ضومين طيبة بأيت ملول…. كيف و هي غير موجودة ؟!
السؤال دابا لي غايحمقكم و يتلف كل ذي لب : كيفاش هاد المحكمة التجارية ديال أكادير كتحجز على جميع أملاك محمد بازين بناء على طلب الشركة الوهمية وهي نفس المحكمة لي صدرت عنها وثيقة بلي الشركة وهمية لا وجود لها ؟!!
غير فهمونا الله يرحم الوالدين، واقيلا أكادير و محاكمه عندهم قانون ديالهم خاص ؟!
محمد بازين خرج بفيديو و أفضح فيه المستور بالأسماء… و هادشي كلشي كما سبق و قلنا بحماية نواب وكيل الملك عبد العزيز تقي الله لي قلفتوه لكلميم و حالياََ النائب الأول يونس كوجيل و مهندس الملفات عبد الكريم فالي…. ولي تقدم بشكاية هاد العصابة بالإتباثات يلفقو ليه شكايات كيدية باش يتخلع و يرجع لور.
خمسة شكايات ضد محمد بازين، و خمسة أخرى ضد كمال المهداوي و ثلاثة ضد عبد الإلاه علوش ، و جوج ضد سعاد باعقيل (لي مازال غادي نفصلو فقصتها)… و القائمة طويلة….
و طبعا هاذ المهمة بتخطيط و هندسة المحامي ولد الحر*ام المقطر عبد المنعم طه، و العميد ديال ديستي زرق العينين…
للاشارة، هاد الشركة الوهمية كيبيعو بها الفواتير لأصحاب بيع البواخر بمدينة أكادير باش يتهربوا من الضرائب عند مول الحسابات (الكونتابل) فلباطوار مولاي لحسن الشوري عم إسماعيل الشوري…..و يمكن للدولة تبحث فعقود البيع ديال الباركوات فمصلحة الضرائب، بداو بهاء الخيط الكادو لي اعطاتكم الفرشة لا باغين تخدمو !
و فالختام ، تتساءل ساكنة أكادير ،كيفاش المحاكم ديال أكادير كيصيفتو المئات من المتهمين للسجن بتهم مختلفة ديال التزوير، و إسماعيل الشوري وعصابتو أحرار طلقاء، رغم ثقل كل ما نشر بالوثائق الدامغة…. ورغم كثرة الناس لي شاكيين بهاد العصابة….
يتبع…
سير على بركة الله….
