الفرشة – Lfercha واجبنا ضد الفساد
ونتا راجل عندك 84 سنة ماغاديش تتحمل صحتك الفيراج ديال فلوس الأرامل، لي بالمناسبة خليت ليك غير شهادة وحدة من ذوك لي مشيتي بفلوسهم للحج 12 مرة أكثر من الرسول الكريم عليه الصلاة و السلام فالتعليق.
قولي عافاك الحاج كيفاش عطاك خاطرك وضميرك تاكل الأرامل والايتام فالارزاق ديالهم ( التأمين على الحياة – Assurance GRoup DECES)،
السؤال الثاني حيت القانون فبحال هاد الحالات أن العامل ملي كيتوفاه الله، الورثة كيوجدو وريقاتهم وياخدو التأمين ديال المرحوم ( الأرملة ديالو والايتام …) من شركة التأمين لي خلقتي نتا بيست بديلة على الطريق القانونية، ووليتي نتا بحال الوصي على هاد التأمين وتاخد 20 مليون من الشركة وخاصك تزيد عليها 6 المليون من الأعمال الإجتماعية، وصحيبك علوش يعطي 4 المليون من التعاضدية هيا 30 مليون، ومع نتا كتعرف الله وحاج 12 حجة كتهرف على كلشي وتخلي دوك البيادق لي تقعدو وشبعو تقاعد وداير ليهم صالير للواحد باش يقابلو الأرملة لي جات او اليتيم او اليتيمة يكونو ليهم بالمرصاد، وأغلبية الأرامل ماخذاو منك لا حق لا باطل، والقلة القليلة كتقطر ليهم مرة 2000 درهم مرة ، و مرة والو، لدرجة وليتي لي جات قالت ليك الفلوس كتقول ليها خديتي فلوسك كاملين وتجري عليها بحال مولا الشهادة فالتهليق نيت،
اسمع هاد العينة لى الشف*ار الشا*رف من أرامل وشهادات أخرى ستتبع بالعشرات ان شاء الله، تشهد على الاجرام ديالك.
خاصك الحاج 12 مرة تتحاكم بقانون الاتج*ار في الب*شر والنصب والاحتيال والتزوير والسرقة والباقي راك عارفو، وضواصاك مزال كنتوصلو بيهم كيضرو فالراس وحاسبنا ايلا قلنا شي حاجة كذوب، راحنا داوين بالحجة والدليل.
نتا وديك الما*فيا معاك لي خاصهم يتحاسبو ويتحاكمو خاص يتزادو عليهم حتى دوك لي كيصفقو ليكم ويوقعو على التقارير المالية والادبية وهوما عارفين الشفرة دايرة الريحة والتزوير طالق الدود.
ولي بغا يزيد يتأكد مزيان يدير دويرة نهار الأربعاء قدام المقر العام الرئيسي ديال شركة ليدك، ويشوف الوقفات الاحتجاحية الاسبوعية لي غتوصل للوقفة 39 لي دايرين المتقاعدين والارامل، كيطالبو هاد الم*جرم يرد ليهم ارزاقهم…
رمز نقابي قاليك…
سير على بركة الله
