كارطيل وهبي

سي الوزير و خوه سي البرلماني ياك بجوجكم مسؤولين عموميين و منتخبين و ذاكشي، هانا كنطعن فذمتكم و شرفكم، الا كنتو رجال ديرو الواجب و جاوبو على هاذشي و الوثيقة لي غانخلي فالتعليق، و لو بالنفي !

بلا مقدمات، هاذ الدليل لي غانعطي اليوم فهاذ المنشور ما هو إلا راس الخيط و قطرة فبحر ديال المعاملات الما*فيوزية و الأموال المنهوبة لي كتدوز تحت رادارات الدولة وتصب كلها في حسابات اباطرة الدواء من قبيل خو الوز*ير لي عندو الفلوس و لاباس عليه، و رهطه.

غاتلقاو فالتعليق فاتورة أولى محسوبة على صيدلية اسمها Populaire Boujdour، فيها كوموند وحدة بحوالي 10 دمليون ديال الدوا، مشرية من عند الشركة المصنعة Iberma، هاذ الدوا اسيادنا الكرام عمرو ما وصل لهاذ الصيدلية، و إيلا كذبتونا سيرو عندو سولوه و حققو معاه… و هاذي وحدة من مئات او آلاف الفواتير لي كيدوزو على ظهر حوالي 33 صيدلية في الثلاث السنوات الأخيرة فقط.

هاذ الدوا اسيادنا مشى كلو لشركة البرلماني خو الوزير وهبي GPM، تكلف بتوصيلو السمسار رياض المعمري لي نشرنا صورتو فالمنشور السابق، و باستقبالو و توزيعو مسؤول المبيعات المستخدم عند وهبي المدعو عبد النبي كتعرفوه تاهوا تكلمنا عليه فالمنشور السابق، كتهزو سيارة شحن خاصة تابعة للسمسار، منها سيارة كاميونيت رونو بيضا ترقيم 13880د8، يعني خارج القانون بحكم ان الدوا لازم يتنقل عبر شركات معتمدة و مرخص لها، الفلوس كتجي كاش من اكادير و كتفرق على الاطراف ف GPM ف كازا عند التسليم، كلشي كيدي حقو كاش و الله يخلف الله يقوي الخير.

لا ما ثيقتوناش و تعاميتو على الفاتورة و السيارات، رجعو للكاميرات ديال GPM و ديال الشركات المصنعة بحال Iberma صاحبة هاذ الفاتورة، او شركة Polymedic، اه و طلبو منهم، يوريكم فنفس الوقت شكون كان يدير les virements de paiement باش كيتخلص الدوا، لأن الدوا موخوذ باسم صيدليات و لكن اشخإص اخرين هوما لي كيخلصو فبلاصتهم و يديو الدوا على ظهرهم و بلا علمهم لمخازن البرلماني خو الوزير .

بعض الصيدليات كيكونو على علم بهاذ العمليات و كياخذو عليها عمولة 1.5 % اي فكل عشرة ديال المليون سلعة كياخذوها على ظهر الصيدلي كياخذ فيها الصيدلي 1500 درهم فقط، لكن جشع العصابة و جبروتها خلاهم يزورو الكاشيات و ياخذو les commandes بلا علم الصيدليات بحال الفاتورة ديال اليوم مثلا.

بس: لا والو هذاك لي فالصورة مع البرلماني خو الوزير غير ولد عمتو اولاباس الدقايقي لي ولا محامي تاهوا فامتحان وهبي للمحاماة.

يتبع…

سير على بركة الله…

مثلا ؟