الفرشة – Lfercha واجبنا ضد الفساد
والامارين DPM، مشيتو عاوتاني اليوم طليتو على الباركو و درتو راسكم بحالا ما شفتوش العنبر المخبي؟! مساخييييط، و الله ما كاحشمو، هاذشي غير دقينا عليكم البارح !
واخا، ارا بعدا نفهمو المغاربة علاش داويين، باركو عين الرحمة ديال السنتيسي و لي مقابلو كمدير للشركة و لباركوات اخرين هو المنبوذ عند كل من عاشرو و عرفو، ابل*يس فصورة انسان المدعو مجيد دليزة (الصورة)، هذا ما زال غادي نفضل ليكم كيفاش وصل تا ولا ملايري تا هوا و هو كان مجرد كريسون عند الهبزة !
المهم، هرسو الباركو بلعاني باش يصاوبو باركو جديد ديال الحديد أكبر منو و بطوناج اكبر هو لي سماوه بونو1، حتال هنا مزيان، باركو عين الرحمة صغير فالطوناج و لي هو ديال 75 طون يعني عنبر واحد !
و سي مجيد، حيث شاري لامارين ديال اكادير ميكو عليه فلافيزيت ديال البني ديال الباركو، و دار 2 عنابر، و السيد هود الباركو للماء و غطا العنبر بالعود لي كيديرو فوق الباطو، و جاو ناس ديال لافيزيت و دارو دورة عاوتاني بحال الا مشافو والو !
و غادي يرجعو عاوتاني يوم الاربعاء و ذاكشي لاش كنعطيوهوم انذار و درنا بحال الا ما شافوش العنبر المخبي مساكن !
ها حنا وريناه لكم اصحاب لافيزيت ديال لامارين اكادير،
و حتا الباركو لي كاين عند باحمو جديد غالي 2 لي هرس فمكانو الباركو انوار الجنوب، حتى هو نفس المشكل، يعني هرس باركو صغير و دير باركو جديد ديال 120 طون و هانيا…
الدليزة عوال يصيفط الباركو للصحراء مورا العيد، و يخدم بعتبر واحد تااااا تهدى القضية عاد يحل العنبر الثاني…
سي السنتيسي و سي مجيد، مرحبا بيكم فالرادار، يالله قلنا باسم الله….مازال غانفصل فاالرموكات و الشاحنات لي ما عندها تا ورقة و كتسيركيلي…
يتباااع…
سير على بركة الله….
الماتريكيل ديال عين الرحمة
