الفرشة – Lfercha واجبنا ضد الفساد
مراد ولد الفاطمي، الأمي المخنن الذراع المالي للفرعون بلقشور وعلبة الأسرار ديالو، مكلف بقبض الرشاوي من عند المقاولين لي شادين المارشيات في الزمامرة ، و مكلف يخلص المرتزقة و الجواسيس ديال بلقشور، و كيمول الحملات الانتخابية…
أسس ليه بلقشور شركة و ولا يتحصل على صفقات بصيغة سندات الطلب تحت سقف 200 الف درهم، على قبلو الفرعون بلقشور كيفصل ميزانية جماعة الزمامرة على المقاس، و كيخصص عدة فصول ب مبلغ 200 الف درهم (انظر التعليق )، باش مراد الأمي ولد الفاطمي ينهب اموال الشعب باردة…
مراد الأمي يرأس جمعية التضامن لحرفيي وصناع شارع الجيش الملكي ، شد مئات الملايين من عند الصناع منذ 2013 مقابل يستافدو من محلات الحي الصناعي ، ولحد ساعة مكاين والو والفلوس تيبيع ويشري بيها ويمول بيها فريق الفرعون بلقشور لكرة القدم، يسكت بيها المرتزقة والبركاكة.
فكل مرة يحتجو الحرايفية ويبغيو يرفعو دعوة ضد مراد الأمي باش يرجعو فلوسهم ، كيجمعهم بلقشور ويكذب عليهم ويزيد يواعدهم بان المشكل غادي يتحل، تحت الته**ديد المبطن…
هاذ الأمي المخنن شرا جوج قهاوي في العمران من فلوس الصفقات المشبوهة ومن فلوس الحرايفية، و تزاد النفوذ ديالو في الجماعة و الفريق د بلقشور، الا تم التحقيق معاه، غادي يفضح الفساد المالي و عمليات نهب العقارات و الاستيلاء عليها و سرقة المال العام اللي ارتكبها الشف*ار بلقشور منذ سنوات في الزمامرة…
سير على بركة الله…
