الفرشة – Lfercha واجبنا ضد الفساد
بعد منشورات الفرشة و فيديوهات الرايس بازين، احال قاضي التحقيق ملف النص*اب اسماعيل الشوري و باه لجلسات بتهمة التزوير، بعد ما كان الملف مطمور، لكن باش تعرف الخبث ما علموش الضحايا المشتكين ، لم يتم اخبار لا كمال المهداوي و لا المحامي ديالو، الوكيل العام ورك من جهتو تاهوا باش الجلسة تدوز خاوية، تماما بحال جلسة اليوم فهاذ الملف نيت و الجلسة السابقة فشهر غشت، و بسبب هاذ الواقعة كمال المهداوي بدل المحامي.
الجديد هو ان النصاب اسماعيل الشوري ملي شددت عليه الفرشة الخناق بالحجج و المنشورات و نوضت عليه البلا، ناض بدا يبيع الأملاك المنهوبة، ربما كيفكر يهرب.
باع الباركو ربيع سارديني، هاذ الباركو تاهوا نصب فيه على الرايس المدعو الجيد لي مشارك فيه 25 %، و زور عليه و راه داعيه الرايس، ناض الن*صاب اسماعيل الشوري كما العادة دعى الرايس الجيد بالتشهير و اتهمو هو لي كيسرب الحجج للفرشة.
باع كذلك الباركو الكويرة واحد و الكويرة جوج (بارانكلي : الصيد بالخيط) يالله باعهم فهاذ الشهر، ربيع باعو ب مليار و الكويرة واحد ب نص مليار، و الكويرة جوج ب نص مليار، هاذ جوج باركوات الأخيرين تاهوما حيدهم بالنصب للمدعو بومليك محند و صيفطو للحبس.
حتى السيدة لي كانت طايحة معاه المدعوة سعاد ابعقيل دارت ليه توكيل، باع ليها السيارة و الشقة و حول مقهى اكادير باي لي كانت مكلفاه يقابلو ودارو فاسمو.
و حتى ملي باع الكويرة، عمو كيدير الكومتابيليتي لي كتب البيع المدعو مولاي الحسين الشوري، تاهوا كلاه في 250 مليون، بقى شاد ليه شيك ديال التسبيق، شد الفلوس و نكرو ما بغاش يرد ليه الشيك.
و الخطير فهاذشي كلو هو ان فاكتورات هاذ البيوع كلها، لا ربيع و لا الكويرات بجوج، كلهم ناصب فيهم على الضرائب بحكم انه كيبيع فاتورات مزورين كيما سبق و فصلنا فمنشورات سابقة، نخلي ليكم منها فالتعليق امثلة، صاوب لراسو فاتورات باش يتعفى من ضريبة البيع ديال الباركوات لي سارق لماليهم و لي كتعدى مثلا 200 مليون، الشركة باش كيزور اسمها ضومين طيبة، هي نفسها باش نصب على الرايس بازين و كمال المهداوي نيت….تجدون فاتورات مزورة باسم نفس الشركة فالتعليق….
يتبع…
سير على بركة الله….
