الفرشة – Lfercha واجبنا ضد الفساد
من بعد سنتين من وضع شكاية الجمعية المغربية لحماية المال العام في موضوع مشروع الحزام الاخضر لي تكلمنا عليه تا طاب قلبنا و قطعنا الياس، اخيرا هاذ الأيام الفرقة الجهوية لمراكش نزلت لزاكورة تشوف الجر*يمة لي دار البرلماني رئيس الفريق الاشتراكي ورئيس المجلس الإقليمي لزاكورة السابق…
4 ديال المليار ونص ضربها حب وتبن في مشروع فاشل سماه الحزام الاخضر، شوية ديال الشجر و حيط ديال السيما و شوية ديال بلايك ديال الطاقة الشمسية و الماء ديال الواد الحار حسبها ليهم باربعة المليار و نص اخر ثمن 
ضرب الفلوس هو و سي العامل فواد حجي عامل الإقليم لي كيضرب الكأس فالمكتب ، ومن بعد جابو لجنة قالو داكشي ما صدقش حيت كاين الحرارة و كاينة قاليك واحد الحشرة كلات الشجر، ولكن فين الباقي ؟ القهوة و مساحة ترفيه الاطفال و الكودرون وداكشي لي قلتو غادي يكون في هذا المشروع ؟! انظر صور الماكيط و صور الواقع فالتعليق….
شكرا السيد الوكيل العام لمحكمة جرائم الاموال بمراكش، غا عمق البحث عايش خويا غادي تجبد العجب، تماك شهيد و العامل حجي طحنوا هذاك الاقليم، من طرق فك العزلة حتى الى الرخص الاستثنائية ديال الحشرات و ليشمانيا، وقس على ذالك….
يتبع…
سير على بركة الله…
