الفرشة – Lfercha واجبنا ضد الفساد
البقعة قلت ليكم كي جات، ساهلة خذاها فابور بدون وجه حق من البقع المخصصة لساكنة المخيمات، و خذا نعام سيدي الشوكة و التيساع…بحال عداااااد ديال الكرايضية و المسؤولين و ازلامهم، غير بوجدور هاذي سايبة و هانية…
ربي لا ما سولو سعادة العميد الموووونتاز، لي عايش بالعباسية المطلقة على صحيبو المدعو الغنيمي، هداك لي مستاجو بحال ديال لعتروس ياك عرفتوه، هاااااذاك هو هذاك لي باني اقامة مقابلة مع لڤيلات لي كايشوفو فلا كورنيش، وعندو بقع فبوجدور و دار تاهوا لاباس من بوجدور، هذا اسيادنا هو مدير شركة السوماجيك اللي بنات مرسى بوجدور، و سبحانك يا جليل، المرسى و فيلا سعادة العميد المونتاز تبنات كاملة في نغس الفترة، الدار الخوت بناها كااملة من شركة سوماجيك من طرف صحيبو المدير المدعو لغنيمي.. و اذا نكر، قوليه يجبد الفاكتورات باش خلص البناية و مواد البناء…
و الجبص اعباد الله تاهوا، ملي بغى يديرو جاب العمال ديال شركة كانت خدامة فدار الضيافة، كولشي من عندهم.
حتى من الترقيات خونا طلع بحال الصاروخ، كاين ناس كاتلقاهم خدامين 25 سنة يلاه عندهم ضابط ممتاز فالرتبة كيوصلو ليها بزز، و هاذ خونا معلق دابا كوميسير برانسيبال…بفضل تدخلات المعارف ديالو من السياسيين و بفضل طبعا فلوس التموين المسروق لي بحال التبن،
بصحتك اسي العميد الموووونتاز، البلاد عاطية غا لبحالكم، اللصو_ص و المالينوات…
سير اودي سير على بركة الله…
