الفرشة – Lfercha واجبنا ضد الفساد
ما.فيا كتستولى على العقارات الغير محفظة باقليم الصويرة تحديدا بمنطقةحاحا، الشكايات و الدعاوى كتحط باسم عائلي واحد، ملي تحرق الخو حط ختو (تحية للا غيثة)، غيثة تزعم ان عندها شي واحد فالقصر واقف معاها ذاكشي لاش دايرة ما بغات، كتقول عندها شي تصريح من عهد المرحوم الحسن الثاني ، كتجيب نفس الشهود الزور لي عددهم 17 شاهد بالضبط (انظر اسماءهم فالتعليق)، من 2016 قدرو إربحو ازيد من 150 قضية بمجموع ما يقارب 7 الف خدام و 250 ضحية…
كي كيديرو ليها ؟! اليكم لا تيكنيك…
كيخليو مدة عامين بين الترامي و الدعوة باش تكون مباشرة، و ما تدوزش على الدرك وتحط فيد قاضي بعينه ديركت، يتفاهمو معاه بلا ميتدخل لا الوكيل العام للملك و لا الدرك الملكي… و كاع الشهود المحتملين لي يقدرو بشهدوا لصالح الضحايا كيدرسوهم على تيساع و يحيدوهم، 36 واحد لي تابعت نفس التريكة الادريسي غيثة و زهرة سعيدي و خوهم سعيد بتهمة شهادة الزور، و تحكمو بشهرين نافذة وغرامة مالية، قبل ما يستنفو و بشدو البراءة، دارو هد الحيلة باش إلغيو شهادة ديال دوار كامل، 36 واحد كله تقصى…
كيجيبو من بعد المفوض القضائي يعطوه الحدود فالملك وكيمشيو المحكمة يعرضوها، حدود مغلوطة و تا المساحة ما عرفينهاش، لي قالتها الشريفية كيقول ليها القاضي امين، الناس عندها غير 120 خدام و هي داعياهم على 170 مثلا و هانية ، لأن هاذ البطل لي فالصورة هو القاضي لي كيقصدوه ديريكت، مول السر الباتع، غير بوحدو حكم في خمس قضايا ديال التريكة، نبيل بوركبة، القاضي فالإبتدائية الي كيحكم للعsابة، كيدير جلسة وحدة المدوالة وكيخرج حكم غير معلل، وكيشد عندو الحكم يخليه عندو مدة شهر من الزمن تحسبا لاي إعادة النظر او طعن فالحكم…
سيروا لاستئنافية أسفي و إبتدائية الصويرة و طلوا على ملفات الزهرة سعيدي وغيتة لإدرسي، لا ما لقيتوش هاذشي و جميع انواع الفساد القضائي ضد ساكنة حاحا المغلوب على أمرهم، هانا هنا خرجو مسkhونا، حيت ملي كيجيب اليك واحد شاهد جار الملك والإستمرار وشهادة إدارية، و رغم ذلك ماكتحكمش ليه، يعني كتعمد تحكم لصالح الما..فيا و على الابرياء بالحبس والغرامة والتعويض وتجريد الناس من أملاكهم…
و لنا عودة للموضوع ان شاء الله…
سير على بركة الله…
