حصري، موروكن دريم، ديروا النية قاليكم سيدنا…

تخيلوا اخوتي الفرشاويين شركة اسمها Mektramed تجدون اللوغو و الاسم فالتعليق، سنة 2020 كان راسمالها مليون سنتيم (جوج ديال مياة الف ريال) ، و بفضل رجال اخنوش المقربين بحال هذا لي فالصورة، محجوب لحرش لي كان مدير جهوي للفلاحة جهة طنجة الحسيمة و جابو خنينش منننننننننن طنجة تالرباط و رقاه و كلفو بالمشروع الملكي أكبر مشروع مائي في تاريخ البلاد، لحرش معرفة قديمة هو واحد رئيس قسم في ذات المديرية المدعو كريم كنفاوي، مازال تفهمو كلشي غير وسعو خاطركم و بقاو معايا تالاخر مع هاذ الملف، المهم هاذ الشركة، و قول سبحان الله يا مومن، سنة2021 خذات فجأة صفقات تفوق قيمتها خمسة مليار، خدمتها كلها مغشوشة، و أسعارها ما انزل الله بها من سلطان في اي زمان او مكان…كيما غاتشوفو ان شاء الله في منشورات قادمة بالحجة و الدليل…

الشاب “المكافح” مول هاذ المقاولة المدعو العيادي بوعزة، لي خوه مسؤول كبير فالامن، تلاقى فطريقو بحالي و بحالك بزاف ديال الصعوبات معاول الهدم طبعا ، منهم واحد التقني اسمو ن.ل كان خدام فواحد مكتب الدراسات اسمو LREE، حصل المقاول كيغش فواحد من المشاريع لي شاد في ثلاث جماعات ترابية : زومي، بوقرة و اسجن، و دار بيه تقرير للمديرية لي كان مديرها هاذ خونا لي فالصورة مع خنينيش كيقوليهم : عتقوا المال العام كيتسرق و البني مغشوش من الفوق !!!

ناضو رجال اخنوش هذا نيت لي فالصورة معاه اتصل برئيس قسم لكن المدير الفعلي للمديرية و رجل اخنوش الأول في الشمال منذ زلزال الحسيمة و صفقات إعادة التعمير، اتصلوا بالمقاول و قالوا ليه : عتااااق فكنا من هاذ المشوش !!

و فعلا، اتصل المقاول بالتقني بكل شجاعة و تصدى ليه و قاليه بالحرف : “عندك الزهر ما كنتش تما ملي كنتي كتدير الواجب ديالك، كون كنت تما كون دفنت ر…ك تما تحت شي ouvrage” (اسمع المقطع فالتعليق بينما نوجد فيديو الاتصال كاملا) و قال له كذلك بالحرف ” غادي نريزيلي كلشي معاكم و لا باقيش نشوفك كتدور هنا و سير سول عليا، نقدر نعتقلك بكلمة مني”…

و فعلا فكهم منو، و توضعت شكاية كيدية ديال التشهير ضد التقني و اعتقلوه فعلا و تم طرده من العمل باش يتربى و ما يبقاش يدير خدمتو بالنية كيما قال ملك البلاد !

قبل يومين ملي عرفنا المقاول غادي نبرزوه فالعمارية دار تنازل للتقني لي كان باقي كيب.تز فيه بشكاية كيدية و كيطلب فيه خليني مني ليك بلا ما تدخل الفرشة بيناتنا…

هاذ القصة كل كلمة قلناها فيها عندنا عليها الدليل و كلشي غادي يتنشر باذن الله، و اول الغيث تسجيل المقاول لي كيه.دد التقني بالق.تل و السجن، و الصور و التقرير لي تسببو في سجن و طرد التقني، و الوثائق لي كتف.ضح المبالغة في الأسعار و تفسر كيف تصبح مليارديرا في اجمل بلد في العالم في اقل من سنة و من رأس مال اقل من مليون سنتيم…

يتبع…

سير على بركة الله….

الشركة ديال ابن المحظوظة

اسمع س.ب الذات الإلهية و الته.ديد بالق.تل

صورة من صور الأشغال المغشوشة لي توصل بيها السيد المدير الجهوي و رئيس قسمه

تقرير خبرة بؤكد الغش و عدم مطابقة الأشغال للمعايير non-conforme