الفرشة – Lfercha واجبنا ضد الفساد
رحبوا معايا بعص.ابة مولاهم مصطفى حفيظ مدير المدرسة العليا للتربية و التكوين، لي من بعد ما سالا من الشفرة فالميزانيات المرصودة لبناء المدرسة و التجهيزات ديالها لي ملي كطيح الشتاء كتغرق بالماء، ولا الشغل الشاغل ديالو هو يقلب على التخريجات هو وصاحبتو الحميمة رجاء دقادق المسؤولة على الميزانية باش يشفر من ميزانية المدرسة، للاشارة هاد رجاء خدم ليها ختها و راجل ختها فالمدرسة كمتصرفين، وهاد العام حل ثلاثة ديال المناصب لاساتذة محاضرين تخصص sciences de gestion باش يردها حتى هي اسيادي استاذة جامعية، هادشي بلا التنقلات لا خارج المغرب ولا داخله، والاوطيلات 6 نجمات لي كيديها معاه ليهم بميزانية المدرسة، كمكافئة للاعمال القذ_رة لي كيقومو بيها.
من بين الطرق الاخرى ديال الشفرة لقاو التخريجة اسيادي ديال التلاعب فالساعات الاضافية للاساتذة، وابت_زاز الاساتذة العرضيين باش يتنازلو على نسبة من التعويضات المستحقة ديالهم لا بغاو يخدمو، وكاينين أساتذة لي كلاوهم فحقهم صحة، وكاين لي هد_دوه بتلفيق تهمة يصيفطوه للحبس…
سنة 2023\2022 طلقو السمسارة الميكر_وبة حسناء بنكيران المسؤولة على الشؤون البيداغوجية باش تبقى تكٌونفلي الساعات الاضافية ديال بعض الاساتذة وتعطيهم شيك فيه تعويض على الساعات المنجزة خلال مباراة الولوج للمدرسة العليا للتربية و التكوين، زائد فلوس السوايع لي زادتهم فالكٌونفلاج، وكتافق معاهم يمشيو يصرفو الشيك ويردو ليها لفلوس كاش، بدعوى هاد لفلوس لي غادي تردولي غادي نخلصو بيها شي اساتذة عرضيين شاركو فالمباراة ما لقينا كيف نديرو نخلصوهم…
يعني كتبرر سرقة المال العام بالنصب على اساتذة و التواطؤ مع اخرين !!! هاد النوع من السرقة كايقوموا به فكل دورة، مرتين في السنة الجامعية… واخا الرئاسة الجديدة د الجامعة حيدات ليهم الأداء بالشيك هاد العام، جات مدام حسناء بنكيران وطلبات من الأساتذة الدائمين بالمدرسة لي ما داروش الساعات الإضافية يوقعوا على مبالغ مالية تتراوح مابين 6000 و 15000درهم، بدعوى أنهم مساكن ماعندهمش باش يخلصوا اللجان لي كتعمل على الإشراف على مباراة توظيف أساتذة محاضرين بالمدرسة وقالت ليهم (عندنا تسجيل بصوتها) : عندنا 14 منصب وكل لجنة خاصها مليون يعني خاصنا 14مليون باش نخلصهم…وفعلا تمت هاد العملية وجابوا الأساتذة المغلوبين على أمرهم لفلوس لي دوزوها ليهم لحساباتهم البنكية….
للاشارة هاد الميكر_وبة ديال حسناء نهار الاول كانت عندها فورد فوكيس موديل قديم، مع ولات مديرة ولعاقة دارت، دارت bmw خرجاتها ww، و مولاهم مصطفى حتى هو نهار الاول كان جا بواحد ميتشوبيتشي اكل عليها الدهر وشرب، وملي شفر من البني ديال المدرسة، دار حديدة ناضية تاهي ww …
بحال هاد الشف_ارة هوما لي خلاو الجامعة المغربية لور لور، و كنتمناو من النيابة العامة تحرك و تمشي تبحث فهاذ الحريرة.
يتبع…
سير على بركة الله…
