كارطيل اكادير…

تيقولو اسي الحموشي انك كتضرب تمارة و ذاكشي، وا خويا ان صح ذلك، مع هاذو را غا كتكب الما فالرملة…

هذا هو اشرف النفاث، ولد الحاج رحال صاحب أسماك رحال، البعلوك لي كان تورط في قضية التهريب الدولي للمخ*درات سنة 2020 فعز كورونا، فاش كانوا الناس سادين عليهم، سي اشرف كان خدام الله يعطيه الصحة…

يوم السبت 07 نونبر 2020 على الساعة السابعة مساء، قامت مصالح الجمارك بميناء أكادير بتفتيش حاويتين مرقمتين كالتالي : SEGU 953560/9 و CGMU 517122/5، حاويتين فيهم سلعة مسجلة باسم البعلوك ولد الحاج، بعد الاشتباه فيهما بواسطة جهاز السكانير ، وقد تبين أنهما تحتويان على مواد مغايرة للاسماك، وثبت بعد التفتيش اليدوي وجود مادة الشيرا في بعض العلب، وحسب المعلومات الأولية يظهر أن البضاعة عبارة عن علب كرتونية تحتوي على كل من سمك السيبيا والصول مرسلة من الشركة الوهمية المسماة MALAGA FISH، ولي تأسست على قبل هاد العملية بتجزئة المسيرة الخضراء المرسى ( العيون )، إلى الشركة المرسل إليها المسماة INSTANTE CREATIVO .LDA الكائن مقرها بمدينة BARAGA بالبرتغال.

الحوت تدار ليه لومبالاج فالمعمل ديال اشرف و باباه الحاج رحال، لي كاين فتاسيلا اكادير، و تما تخدم و تقاد قبل ما يتوجهو بيه للمرسى مباشرة…

تم فتح كل العلب للتاكد من محتوياتها، و سبتم اكتشاف كمية كبيرة من المخدرات كانت ستهرب نحو الخارج، و هنا السلطات الامنية غادي تفتح تحقيق معمق و احترافي و غادي تعتاقل اشرف النفات و شريكو لي عندو سوابق فالتهريب اضافة الى اشخاص اخرين و غادي تنجز محاضر احترافية تورط فيها ولد الحاج رحال حتى الوذنين.

شنو غادي يوقع عزيز المواطن من بعد ؟

غادي يتم اطلاق سراح سيدي اشرف بعد اشهر من اعتقاله و غادي يغرقو لوخرين رغم ان جميع المصادر تؤكد ان الترونزيتير بريئ و ضحاو بيه، و سي اشرف سيعود ليعانق الحرية رغم ان شريكو عض فيه و اكد انه متورط معاه فالعملية…

توما كيدرتو ليها أ شرفا ؟ واش واحد على جوان كايضرب عام ديال الحبس و لي متورط فقضية ديال التهريب الدولي طلقتوه باش يرجع يتبورد فالطوموبيلات و الدراجات النارية الفارهة ؟

دابا البوليسي يضرب تمارة و يسهر الليل و يخدم النهار باش يفكك شبكة ديال التهريب الدولي، و الادارة العامة للامن الوطني تدير بلاغ للرأي العام، و بعد اشهر قليلة يخرج واحد من الناس لي تشدو يتبورد على البوليس فالرونج روفر و كايضحاك ؟

للاشارة فقط، الملف ديال ولد رحال اشرف النفاث حتى هو تهز قبل ثلاث ايام تحديدا من المحكمة الزريبة ديال اكادير، و غبروه باش لي جا يسول عليه يعرفوه، و بالتالي يكشفو مصادر الفرشة…

رئيس كتابة الضبط كايقول الوكيل لي هزو، و الوكيل كايقول الرئيس… المهم الملف غبروه و خاص شي جهاز من اجهزة الدولة لي يجبدو و يعاود فيه التحقيق على الاقل، باش مجهودات الامن ماتمشيش فالبحر، على الاقل ناهيك عما يقتضياه الواجب الوطني و المصلحة العامة ….

سير على بركة الله…