الفرشة – Lfercha واجبنا ضد الفساد
في حملتنا السابقة على مستشفيات او مجازر المملكة السنة الماضية شرفونا عدد من السبيطارات و الدكاترة و البروفيسورات و الممرضين و الاطر الصحية عموما، لكن ما كتابش لينا نحطو الرحال ف chu ديال مراكش، ما كناش لقينا شي مصدر مطلع لي يخرج لينا وسخو، اليوم سنحط الرحال اخيرا باكبر مستشفى بمدينة سبعة رجال، و الظاهر اننا غانطولو فيها المقام، باش نعريو واحد العصابة فالمستشفى الجامعي محمد السادس، لي عطات ريحتها و كولشي واقف كايتفرج، و الضحية طبعا بعد ملايير المال العام المنهوبة صفقات، هوما المستضعفين سواء من طالبي الاستشفاء او الموظفين المقهورين..
اليوم غا نبداو مع الاخطبوط مول الفلجة محمد أعراب الديب(اوشن)، عاد نشوفو بقية العصابة و الاذناب ديالهم لي غا نجيبوهم واحد واحد وحدة وحدة للشواية باذن الله..
الديب (اسم على مسمى) يشتغل كمتصرف رئيس مصلحة بمستشفى الأم و الطفل و هو الكاتب العام لمكتب المستشفى الجامعي وهو العقل المدبر لجميع عمليات التخلويض والدق تحت الطبلة..
الديب من ممرض بسيط حفيان جا بنعالة لمراكش وشرا سوينغ، بسرعة أصبح من أصحاب السيارات والفيرمات، كيحكم في ادارة chu وكيوزع النعم على اتباعو، و گاع لي بغى يقضي شي غرض سواء من عائلتو او تريكتو كيدخلو بلا ورقة بلا خلاص، و اولاد الشعب كايموتو عرق بعرق، كايتسناو المواعيد بالشهور والسنين…
أسس إمبراطورية داخل الإدارة ولا طالع واكل نازل واكل فكلشي، مايمكنش شي منصب يتعين فيه شي واحد أو يطلع كراد الا مكانش من المبايعين ديالو، و كيدين ليه بالولاء والطاعة..
ندوزو دابا للمفيد لي غانفصلو فيه فقابل المنشورات بالحجج كما عودناكم، هاد الميك**روب من الاسباب المباشرة لافلاس المركز الاستشفائي علاش ؟؟؟
حيت مايمكنش شي صفقة دوز و ما يكونش صبعو فيها، مارشيات بالملايير، كيتفصلو على مقاس شركاتهم بالميليمتر، سير جيب شي دوا او اي produit غابر من تركيا مثلا لي ما يكون جايبو تا واحد فالمغرب او فيه شي molécule ما كايناش فشي دوا اخر ، و فصل ليا صفقة على مقاس ذاك produit او الدوا و ضرب الكموسة مع راسك، مازال نرجعو للصفقات ان شاء الله بالتفصيل بحال صفقة الماكلة على سبيل الذكر لي دازت ب 3المليار و 600مليون، بعدما عدلو الشروط وفرضو شرط التوفر على شهادة مرجعية يكون صاحب الصفقة فايت دوز مارشي ب2 تالمليار ، وطبعا ماشي كولشي عندو هاذ الوثيقة، وحيت عارفين انها غاتديها نفس الشركة زادو برعوها باش تشدها وحيدو لجان المراقبة في المستشفيات، وعوضوها بلجنة مركزية كايعينها هو بنفسو…
الديب مشى للتحقيق مرتين، مرة ورد اسمه فشبهة سرقة متلاشيات من المستشفى، و مرة في تورطه المباشر فوفاة طفلة حرقا في المستشفى، ولكن كيخرج من التحقيق بدون متابعة و بدون حتى توقيف اداري.
غادي نكتافيو بهاد الشوية ونزيدكم شوية شوية ان شاء الله…
الديب سلم على مدام لي غاتخلق ليها منصب على ودها بعدما فات عليها القديم، و بصحة الشواية اليوم فسيدي عبد الله غياث..
المدير و سماسرة الديب أودرهم و الخلوة و نورة الناوي وعبد الرحيم المرابط والفيزازي القصير الماكر مسؤول مصلحة رخص السياقة، شدو الصف الفرشة سترميكم بالقاسح من قاع الخابية، حق و ذنوب ديك الرضيعة لي ماتت محر*وقة، و الشابة لي جبتو ليها ممرض فاشل متدرب من exel بحكم العلاقة بيناتكم، و حقنها بمحلول تسبب فوافتها… هادشي كامل غايخرج فيكم…
يتبااع…
سييييييييرر اودي سير على بركة الله..
