الفرشة – Lfercha واجبنا ضد الفساد
ما بغيتش نخلي ناس تارودانت العزاز ينتظرو بزاف رغم الكونجي بعدما هاوشتهم، ارا نتكلمو شوية على البناء العشوائي لي داير غزاوة في المقاطعة الرابعة، هادشي كثير بزاف حتى وقف لي دماغي…مي غادي ندوزو على كلشي غييييير بالصبر و بسلاولي….
نذكروا اليوم غير 2 بلايص باراكا علينا، نمشيوا نشوفوا تجزئة البروج التجزئة العشوائية 100%, لا ما لا واد حار لا بلان لا مهندس، تا ضو غير قانوني …. و امة ديال البشر و كلش واكل و كلشي كيشوف، بغيتي تدير الصندوق طريفة، بغيتي تلوح الضالة طريفة، بغيتي تزيد الثالث طريفة، القايد المدرح طالق اولاد شحيبر ديالو من الاعوان (اعوان الش*ر و الاثم و العدوان) في جنان التصريف المحايطة، و ما كاين غير لقط لقط لقط….الشبااااط…
واحد حي البورة لي هو ملك من أملاك الدولة دارو فيه غزاوه بكثرة المنازل العشوائية على نفس النهج….رغم عدة لجن مركزية جات ولكن مكاين والو لأن القائد المدرح كايقول بلي ماعندهم مايديروا، مكلفين بهم الناس د العمالة، كلشي مشري…
المقدم محمد سعيد سعدني (الصورة فالتعليق) والمقدم عتيق العواد لي ما عندوش مستوى دراسي و كيسميوه بالطاشرون (صورة المنشور يتوسط القايد المدرح و الباشا) والقائد المدرح والمسؤولين في تارودانت، قولو لينا عيش بوكم !
علاش خلاو البنايات طلعات من الساس وماحترموش حرمة المقبرة الكبرى لي حيط واحد فارق بينها وبين تجزئة البروج ؟!
وعلاش خلاو البورة تبنات كلها رغم أن أراضيها ملك من املاك الدولة ؟!
و شكون لي وقع شهادات الربط بالكهرباء علما انها بناءات عشوائية ؟
هاد البلايص عندها غطاء حماية من جميع المسؤولين في تارودانت، من البلدية والمقاطعة والباشوية والعمالة والوكالة الحضرية… وفينا هو مدير إدارة أملاك الدولة بتارودانت لي خاصو يحمي الأملاك ديالهم ؟
كلشي هاد المصالح وماشافوش هاد البناءات العشوائية ؟!
الا بان شي عون سلطة فيه الضو و باغي يخدم كينتقمو منو فالبلاصة، احد الشيوخ المدعو محمد برشا لي كان مكلف في تبليغ المخالفات والخروقات بجميع المقاطعات لقسم الشؤون الداخلية بالعمالة، وصل كلشي بالتفصيل ولكن انتقمو منو وبعدوه عليهم غادي نعرفو علاش وكفاش من بعد …
كنشوفوا حملات في هدم البناءات العشوائية في العاصمة الرباط و تمارة وفي مدن عدة، وتوقيف او عزل المتورطين بإشراف الولاة او العمال…. إلا تارودانت كنشوفوا المسؤولين ديالها دايرين الإحتضان للخروقات بصفة عامة بل هوما المساندين الرسميين…
يتبع….و شوفو هاذ الكارثة لي غانخلي فالتتليق ديال البناء العشوائي لي دارو منو الثروات، القايد المدرح و لي فوقو و لي تحتو…
سير على بركة الله….
