الفرشة – Lfercha واجبنا ضد الفساد
سي الحاج الطرمونية، الملقب بسي مبارك النشاط و معروف كذلك بولد العبار، حيث المرحوم باه كان يعبر القمح فرحبة خميس متوح، بغيت غير نسولك كيما سولت المخنن دبال ولدك،
السؤال رقم واحد غايعجبك، هاذ العام كاينة الفيجطة و المغنيات ف مهرجان اولاد افرج و لا والو ؟
خلينا من النشاط و ندخلو للدق تم…
السؤال الثاني ساهل، لي موراه لي صعيب شوية و غايخليك تلبس الخروق…
بغيت نسولك اسي الحاج لي بقى خاصو غير النشاط يوفرو للساكنة، على واحد الكاميو لي كيفرغ الحفرة لي كيتجمع فيها الواد الحار اعزكم الله (هاذ الحفرة نيت لي كتبان فالصورة)، جات ورا الجماعة مباشرة و ما بعيدة من المدرسة الابتدائية الا بسبعين متر فقط وكيلعبو حداها وليدات الساكنة من التلاميذ…
شحال من عام ما جاها الكاميو ؟! الواد الحار و السبيطار و سيارة الاسعاف و المدرسة و النقل المدرسي و ذاكشي ماشي ضارووووري، المهم هو النشاط و الواحد يفوج شوية و مولاها ربي…نفس المواطنين لي كيمشيو للمهرجان يفوجو، مع الاسف هوما لي كيفرغوها بالموطور في الخلا بيديهم…
السؤال الثالث مشحر شوية خاصك تستاعن بشي صديق، ما كاينش ما احسن من نسيبك صاحب الشقتين المسروقتين سيهم الداكي واقيلا…و السؤال كالتالي و كنصحك لا كنتي واقف شد الارض، هل ممكن تدلي بحجة الملكية لي عندك ديال المحطة نشوفوها و تسكت الفرشة الى الابد، عرفتيني علاش داوي ؟ على ذاك عقد البيع لي مشيتي صاوبتي في واد زم تدعي فيه انه تم بينك و بين المرحوم صاحب السطاسيون الفعلي و الشرعي المدعو قيد حياته الحاج بلبصير، و معاها حبذاا لو تقولينا حمباك في اسم من مازال نرخيص الشركة الام Shell لنفس السطاسيون الى بومنا هذا ؟
باقي اسئلة كثيرة على المحطة المسروقة وسؤال ينسيك في سؤال و كلها محرجة، غانمشي معاك غير بالتقطيرة، تانجاوب المتابعين على هاذو و نستأنفو بإذن الله…
تا سير على بركة الله…
