الفرشة – Lfercha واجبنا ضد الفساد
بالنسبة لصندوق الإنقاذ، كل باركو باع 100 مليون كيحط فالصندوق 500 درهم.
بالنسبة للاعمال الإجتماعية كل باركو باع 100 مليون كيحط فالصندوق 250 درهم.
علما ان فوق جوج ثلاث مليار كتباع يوميا فالمراسي ظيال المغرب…
بالنسبة لصندوق الانقاذ، دولتنا “الرشيدة” و على عكس فرنسا و اسبانيا مثلا مشات شرات 50 باطو ديال الإنقاذ من الصين شوف بشحال دازت هاذ الصفقة الهوتة، و كيخسرو على كل واحد فيهم ثلاثين مليون فالشهر و عمرهم ما عتقو شي بحار، عوض ما يشريو مروحيات بحال الناس، 4000 بحار لي ماتو منذ سنة 1990…و لا واحد عتقو كيجيبو غير الحراكة… اي باركو كيتقلب فالبحر كيموتو البحارة ديالو، علاش ما شريتوش المروحيات ؟!
بالنسبة لصندوق الأعمال الإجتماعية، ناخذو مثلا صندوق العيون لي فيه حاليا حوالي 3 مليار فصندوق الجمعية، و الغرض منو مساعدة البحارة و اسرهم و دعمهم اجتماعيا في حالة المرض مثلا، و لكن كيرفضو يساعدوهم، بحال قصة هاذ البحار لي فالصورة و لي ولدو محتاج عملية لا تتعدى خمسة المليون ؟!
اولا باي حق تعطى حق التصرف و الأمر بالصرف للمندوب ديال الصيد البحري و الفلوس كلها ديال البحارة و لا علاقة بالدولة ؟!
كيفاش هاذ صندوق الإغاثة عمرو ما عتق شي بحري فالبحر ؟! و علاش خسرنا الفلوس فباطوات لم تنقذ و لا بحار فتاريخها و ما شريناه مروحيات كيما دايرة اسبانيا ؟!
هاذ البحار و بحالو مثلا، علاش يتم رفض طلبو بتطبيب ولدو ؟!
اودي را الصيد البحري يسير من طرف ما*فيات…
سير على بركة الله…
